ഗ്രീൻ ഏവിയേഷൻ രംഗത്തെ ഒരു സുപ്രധാന സംഭവ വികാസത്തിൽ ഹൈഡ്രജൻ ഇന്ധന സെൽ ഉപയോഗിച്ച് പ്രവർത്തിക്കുന്ന 19 സീറ്റുകളുള്ള ഒരു വിമാനം അടുത്തിടെ 10 മിനിറ്റ് പരീക്ഷണ പറക്കൽ പൂർത്തിയാക്കി .ഈ രംഗത്ത് ഇതുവരെയുള്ള ഏറ്റവും ദൈർഘ്യമേറിയ പറക്കലായി ഇതിനെ രേഖപെടുത്തി. ഈ നേട്ടത്തെ എംഐടി ടെക്നോളജി റിവ്യൂ 2023 ലെ ബ്രേക്ക്ത്രൂ ടെക്നോളജി ആയി വാഴ്ത്തി.ഇത് വ്യോമയാന വ്യവസായത്തിൽ വിപ്ലവം സൃഷ്ടിക്കാനുള്ള അതിന്റെ സാധ്യതയെ സൂചിപ്പിക്കുന്നു.
സീറോ ഏവിയ എന്ന സ്റ്റാർട്ടപ്പ് വികസിപ്പിച്ച ഈ വിമാനത്തിൻ്റെ ആദ്യ പറക്കൽ സീറോ എമിഷൻ ലക്ഷ്യം വച്ചുള്ള ഒരു സുപ്രധാന ചുവടുവെപ്പാണ്. ബിൽ ഗേറ്റ്‌സിന്റെ എനർജി വെഞ്ച്വർ ഫണ്ട് പോലുള്ള നിക്ഷേപകരിൽ നിന്ന് ഇതിനകം 140 മില്യൺ ഡോളർ നിക്ഷേപം നേടിയിട്ടുള്ള കമ്പനി, അതിന്റെ ഹൈഡ്രജൻ ഇന്ധന സെൽ സംവിധാനങ്ങൾക്കായി 1,500-ലധികം പ്രീ-ഓർഡറുകൾ നേടി. കമ്പനി 2025 ഓടെ ഇത് വാണിജ്യാടിസ്ഥാനത്തിൽ അവതരിപ്പിക്കാൻ ലക്ഷ്യമിടുന്നു.
“ഇത് ഞങ്ങളെ വാണിജ്യ പാതയിലേക്ക് നയിക്കുകയാണ്,” ഈ സാങ്കേതികവിദ്യയെ ചുറ്റിപ്പറ്റിയുള്ള ആവേശം എടുത്തുകാണിച്ചുകൊണ്ട് പദ്ധതിയിൽ ഉൾപ്പെട്ട ഒരു എഞ്ചിനീയർ പ്രഖ്യാപിച്ചു.
യുകെയിലെ കോട്‌സ്‌വോൾഡ് എയർപോർട്ടിൽ നിന്നാണ് പരീക്ഷണപ്പറക്കൽ നടന്നത്. വിമാനത്തിന്റെ ഒരു വശം ഹൈഡ്രജൻ ഇന്ധന സെല്ലുകളെയും ബാറ്ററികളെയും മാത്രം ആശ്രയിച്ചിരിക്കുമ്പോൾ, മറ്റൊന്ന് പരമ്പരാഗത പാരഫിൻ ഉപയോഗിച്ചാണ് പ്രവർത്തിക്കുന്നത്.
നിലവിൽ ആഗോള ഹരിതഗൃഹ വാതക ഉദ്‌വമനത്തിന്റെ ഏകദേശം 3% ഉത്തരവാദിയായ വ്യോമയാന വ്യവസായം കാർബൺ പുറന്തള്ളൽ കുറയ്ക്കുന്നതിൽ ഗണ്യമായ വെല്ലുവിളി നേരിടുന്നു. ഹൈഡ്രജൻ ഇന്ധന സെല്ലുകൾ ശുദ്ധമായ ഇന്ധനത്തിലേക്കുള്ള ഒരു നല്ല പാത വാഗ്ദാനം ചെയ്യുന്നു, എന്നിരുന്നാലും അമിതമായ ഭാരവും ഹൈഡ്രജൻ ഇന്ധനത്തിന്റെ വൻതോതിലുള്ള സംഭരണ ആവശ്യകതകളും ഒരു വെല്ലുവിളിയായി തുടരുന്നു
