ശനിയാഴ്ച നടന്ന എഎഫ്‌സി ഏഷ്യൻ കപ്പിൽ ഓസ്‌ട്രേലിയയോട് 2-0ന് ഫുട്‌ബോൾ ടീം തോറ്റതിന് പിന്നാലെ ഇന്ത്യൻ മാനേജർ ഇഗോർ സ്റ്റിമാക് നിരാശ പ്രകടിപ്പിച്ചു. ആദ്യ ഗോൾ വഴങ്ങുന്നതിന് മുമ്പ് ഇന്ത്യ 50 മിനിറ്റോളം പിടിച്ചുനിന്നു, തുടർന്ന് മോശം പ്രകടനത്തിൻ്റെ ഫലമായി 73-ാം മിനിറ്റിൽ ആദ്യ ഗോളും പിന്നീട് രണ്ടാമത്തേതും വഴങ്ങണ്ടി വന്നു.
ഹാഫ് ടൈമിലെ സമനിലയ്ക്ക് ശേഷം, ഗുർപ്രീത് സിംഗ് സന്ധുവിന്റെ പിഴവ് ഓസ്ട്രേലിയക്ക് സ്കോറിംഗ് തുറക്കാൻ ജാക്‌സൺ ഇർവിനെ അനുവദിച്ചു. എഎഫ്‌സി ഏഷ്യൻ കപ്പിലെ തങ്ങളുടെ ആദ്യ മത്സരത്തിൽ നിന്ന് എന്തെങ്കിലും നേടാമെന്ന ഇന്ത്യയുടെ പ്രതീക്ഷ ജോർദാൻ ബോസ് രണ്ടാം ഗോളിൽ തകർത്തു
“രണ്ട് ഗോളുകളും നമ്മുടെ അലസമായ പ്രതികരണങ്ങളിൽ നിന്നാണ് വന്നത്,” സ്റ്റിമാക് പറഞ്ഞു. “ഈ ഗോളുകൾ ഓസ്‌ട്രേലിയയുടെ മികച്ച പ്രകടനത്തിൽ നിന്നുണ്ടായതല്ല ,ചില സമയങ്ങളിൽ നമ്മുടെ ഭാഗത്ത് ഉണ്ടായ നിരുത്തരവാദിത്തം കാരണം സംഭവിച്ചതാണ്”
“ഓസ്‌ട്രേലിയയുടെ ശാരീരികക്ഷമതയക്ക് മുന്നിൽ ഞങ്ങൾ ബുദ്ധിമുട്ടി.”സ്റ്റിമാക് പറഞ്ഞു
“ഞങ്ങൾക്ക് സോണിൽ നിന്ന് പുറത്തുകടക്കാൻ കഴിഞ്ഞില്ല, പകുതി ലൈനിലൂടെ നീങ്ങാൻ ആ രണ്ടാം പാസ് എടുക്കാൻ കഴിഞ്ഞില്ല… ഓസ്‌ട്രേലിയ കൂടുതൽ പരിചയസമ്പന്നരാണ്, അവർ സാഹചര്യങ്ങൾ നന്നായി മനസ്സിലാക്കുന്നു,” അദ്ദേഹം കൂട്ടിച്ചേർത്തു.
തോൽവി ഇന്ത്യയ്ക്ക് മുന്നിൽ അവരുടെ ഗ്രൂപ്പിലെ ഉസ്‌ബെക്കിസ്ഥാനും സിറിയക്കുമെതിരായ മത്സരങ്ങൾ വെല്ലുവിളി നിറഞ്ഞ ദൗത്യമായി അവശേഷിപ്പിക്കുന്നു.
