പാകിസ്ഥാൻ ഭീകരൻ സാജിദ് മിറിനെ ആഗോള ഭീകരനായി പ്രഖ്യാപിക്കുന്നത് ഐക്യരാഷ്ട്രസഭയിൽ തടഞ്ഞതിന് ഇന്ത്യ ചൈനയെ വിമർശിച്ചു.
നിസാരമായ ഭൗമരാഷ്ട്രീയ താൽപ്പര്യങ്ങളാൽ നയിക്കപ്പെടുന്ന ചൈനയുടെ നടപടികളെ ഇന്ത്യ അപലപിക്കുകയും ആഗോള തീവ്രവാദ വിരുദ്ധ നടപടികളെ ചോദ്യം ചെയ്യുകയും ചെയ്തു. 26/11 മുംബൈ ഭീകരാക്രമണത്തിൽ പങ്കെടുത്തതിന് ലഷ്‌കർ-ഇ-തൊയ്ബയിലെ അംഗമായ മിറിനെ ആഗോള ഭീകരനായി പ്രഖ്യാപിക്കാൻ ഇന്ത്യയും യുഎസും പ്രമേയം അവതരിപ്പിച്ചിരുന്നു
“ഐക്യരാഷ്ട്രസഭ നിരോധിച്ച തീവ്രവാദികളെ നിസ്സാരമായ ഭൗമരാഷ്ട്രീയ താൽപ്പര്യങ്ങളുടെ പേരിൽ
നമുക്ക് നേരിടാൻ കഴിയുന്നില്ലെങ്കിൽ ഈ തീവ്രവാദ വെല്ലുവിളിയെ ആത്മാർത്ഥമായി നേരിടാനുള്ള യഥാർത്ഥ രാഷ്ട്രീയ ഇച്ഛാശക്തി നമ്മൾക്കില്ല,” ഇന്ത്യ പ്രസ്താവനയിൽ പറഞ്ഞു.
ഈ നിർദ്ദേശം ചൈന തടഞ്ഞത് കാരണം, സ്വത്ത് മരവിപ്പിക്കൽ, യാത്രാ നിരോധനം, ആയുധ ഉപരോധം തുടങ്ങിയ നടപടികൾക്ക് വിധേയനാകുന്നതിൽ നിന്ന് മിറിന് ഒഴിവാകാം. മിർ ഇന്ത്യയുടെ പിടി കിട്ടാപുള്ളിയായ തീവ്രവാദികളിൽ ഒരാളായി കണക്കാക്കപ്പെടുന്നു, ഇയാളുടെ തലയ്ക്ക് യുഎസ് 5 മില്യൺ ഡോളർ ഇനാം നൽകിയിട്ടുണ്ട്. മിർ മരിച്ചുവെന്ന് പാകിസ്ഥാൻ നേരത്തെ അവകാശപ്പെട്ടിട്ടും പാശ്ചാത്യ രാജ്യങ്ങൾ സംശയം പ്രകടിപ്പിക്കുകയും തെളിവുകൾ ആവശ്യപ്പെടുകയും ചെയ്തു.
യുഎൻ സെക്യൂരിറ്റി കൗൺസിലിന്റെ ഉപരോധ സമിതിയിൽ പാകിസ്ഥാൻ ആസ്ഥാനമായുള്ള ഭീകരരെ കരിമ്പട്ടികയിൽ ഉൾപ്പെടുത്തുന്നതിൽ നിന്ന് ചൈന ആവർത്തിച്ച് സംരക്ഷിക്കുന്നത് ആശങ്ക ഉയർത്തിയിട്ടുണ്ട്. ലഷ്‌കർ-ഇ-തൊയ്ബയുടെ ഡെപ്യൂട്ടി ചീഫ് അബ്ദുൾ റഹ്മാൻ മക്കി, ജയ്‌ഷെ മുഹമ്മദ് തലവൻ മസൂദ് അസ്ഹർ എന്നിവരെ ആഗോള ഭീകരരായി പ്രഖ്യാപിക്കാനുള്ള ശ്രമങ്ങൾ ബീജിംഗ് നേരത്തെ തടഞ്ഞിരുന്നു. 26/11 ആക്രമണത്തിന്റെ സൂത്രധാരനായ സാക്കി ഉർ റഹ്മാൻ ലഖ്‌വിയെ വിട്ടയച്ചതിന് പാക്കിസ്ഥാനെ പ്രതിക്കൂട്ടിലാക്കാനുള്ള ഇന്ത്യയുടെ ശ്രമങ്ങളും ചൈന തകർത്തു.
