ഒരു ജനപ്രിയ എക്സ് (മുമ്പ് ട്വിറ്റർ എന്നറിയപ്പെട്ടിരുന്നു) ഹാൻഡിലായ ദി വേൾഡ് റാങ്കിംഗ് റിപോർട്ട് പ്രകാരം ചൈനയെ മറികടന്ന് ഇന്ത്യ ലോകത്തിലെ രണ്ടാമത്തെ വലിയ റോഡ് ശൃംഖലയുള്ള രാജ്യമായി മാറി

 അമേരിക്കയക്ക് 68.32 ലക്ഷം കിലോമീറ്ററും ചൈനയ്ക്ക് 52 ലക്ഷം കിലോമീറ്ററും റോഡ് ഉള്ളപ്പോൾ ഇന്ത്യക്ക് 67 ലക്ഷം കിലോമീറ്റർ റോഡ് ശൃംഖലയുണ്ടെന്ന് കണക്കാക്കപ്പെടുന്നു.

 കഴിഞ്ഞ വർഷം ജൂണിൽ, കേന്ദ്രമന്ത്രി നിതിൻ ഗഡ്കരി, മോദി സർക്കാരിന്റെ നേട്ടങ്ങളെക്കുറിച്ച് സംസാരിച്ചു.ഒമ്പത് വർഷത്തിനുള്ളിൽ ഇന്ത്യയിലെ മൊത്തം ദേശീയപാതകളുടെ നീളം  ഏകദേശം 59% വർദ്ധിച്ചു, ഇത് രാജ്യത്തെ യുണൈറ്റഡ് സ്റ്റേറ്റ്സിന് പിന്നാലെ ആഗോളതലത്തിൽ ഏറ്റവും വലിയ റോഡ് ശൃംഖലയുള്ള രണ്ടാമത്തെ രാജ്യമാക്കി മാറ്റി. 2013-14ൽ ദേശീയപാതയുടെ ആകെ ദൈർഘ്യം 91,287 കിലോമീറ്ററായിരുന്നു, ഇപ്പോൾ 2022-23ൽ 1,45,240 കിലോമീറ്ററിലെത്തി.

4-വരി ദേശീയ പാതയുടെ വിപുലീകരണം 2013-14ലെ 18,371 കിലോമീറ്ററിൽ നിന്ന് കഴിഞ്ഞ ഒമ്പത് വർഷത്തിനുള്ളിൽ 44,654 കിലോമീറ്ററായി  ഇതേ സമയപരിധിക്കുള്ളിൽ ഇരട്ടിയായി വർധിച്ചതായും അദ്ദേഹം പറഞ്ഞു.

 ഫാസ്ടാഗ് നടപ്പാക്കിയതാണ് ടോൾ പിരിവിൽ ഗണ്യമായ വർദ്ധനവിന് കാരണമായതെന്ന് ഗഡ്കരി പറഞ്ഞു.  ടോൾ വരുമാനം 2013-14ൽ 4,770 കോടി രൂപയിൽ നിന്ന് 2022-23ൽ 41,342 കോടി രൂപയായി ഉയർന്നതായി അദ്ദേഹം ചൂണ്ടിക്കാട്ടി. 2030-ഓടെ ടോൾ വരുമാനം 1,30,000 കോടി രൂപയായി ഉയർത്താനാണ് സർക്കാർ ലക്ഷ്യമിടുന്നത്. കൂടാതെ, ടോൾ പ്ലാസകളിലെ കാത്തിരിപ്പ് സമയം ഗണ്യമായി കുറയ്ക്കുകയും 2014-ൽ 734 സെക്കൻഡിൽ നിന്ന് 2023-ൽ 47 സെക്കൻഡായി കുറയുകയും ചെയ്തു. 

 ഇന്ത്യയിലെ ഏറ്റവും വലിയ എക്‌സ്‌പ്രസ് വേയായ 1,386 കിലോമീറ്റർ ദൈർഘ്യമുള്ള ഡൽഹി-മുംബൈ എക്‌സ്‌പ്രസ് വേയുടെ നിർമ്മാണം പുരോഗമിക്കുകയാണ്.നിക്ഷേപകരുടെ താൽപര്യം വർധിപ്പിച്ചുകൊണ്ട് ഇൻഫ്രാസ്ട്രക്ചർ ഇൻവെസ്റ്റ്‌മെന്റ് ട്രസ്റ്റ് (INVIT) മാതൃകയിലുള്ള ബോണ്ടുകളുടെ വിജയകരമായ ലോഞ്ചിനെ കുറിച്ചും മന്ത്രി പരാമർശിച്ചു.