പാൽ ഉൽപാദനത്തിൽ ഇന്ത്യ മറ്റെല്ലാ രാജ്യങ്ങളെയും പിന്തള്ളിയെന്ന് ഫിഷറീസ്, മൃഗസംരക്ഷണം, ക്ഷീരവികസന വകുപ്പ് മന്ത്രി രാജീവ് രഞ്ജൻ (ലാലൻ) സിംഗ് പറഞ്ഞു.  കഴിഞ്ഞ ഒമ്പത് വർഷത്തിനിടെ രാജ്യത്തിൻ്റെ പാൽ ഉൽപ്പാദനം  57.62 ശതമാനം വളർച്ച കൈവരിച്ചു.

മോദി സർക്കാരിൻ്റെ മൂന്നാം ടേമിൻ്റെ 100-ാം ദിനത്തിൽ മാധ്യമങ്ങളെ അഭിസംബോധന ചെയ്യവെ ഈ മേഖലയിൽ കർഷകർക്കുള്ള ഗണ്യമായ പങ്കും, കൂടാതെ മത്സ്യബന്ധനത്തിലും രാജ്യത്തിൻ്റെ ശ്രദ്ധേയമായ നേട്ടങ്ങൾ അദ്ദേഹം എടുത്തുപറഞ്ഞു.

മത്സ്യ ഉൽപാദനത്തിൽ ഇന്ത്യ ആഗോളതലത്തിൽ രണ്ടാം സ്ഥാനം നേടിയത് നീല വിപ്ലവം, ഫിഷറീസ് ആൻഡ് അക്വാകൾച്ചർ ഇൻഫ്രാസ്ട്രക്ചർ ഡെവലപ്‌മെൻ്റ് ഫണ്ട്, പ്രധാനമന്ത്രി മത്സ്യ സമ്പത്ത് യോജന തുടങ്ങിയ വിവിധ പദ്ധതികളിലായി നടത്തിയ 38,572 കോടി രൂപയുടെ  നിക്ഷേപത്തിൻ്റെ ഫലമാണ്.  2013-14 ലെ മത്സ്യ ഉൽപ്പാദനമായ 95 ലക്ഷം ടണ്ണിൽ നിന്ന് 2022-23ൽ 175 ലക്ഷം ടണ്ണായി ഉയർന്നു, ഇത് 83 ശതമാനം വളർച്ചയെ പ്രതിനിധീകരിക്കുന്നു.

ഫിഷറീസ്, മൃഗസംരക്ഷണം, ക്ഷീരവികസന മന്ത്രാലയം സ്ഥാപിക്കുന്നതിൽ പ്രധാനമന്ത്രി നരേന്ദ്ര മോദിയുടെ ദീർഘവീക്ഷണമാണ് ഈ മേഖലകളിലെ ഇന്ത്യയുടെ വിജയത്തിന് കാരണമെന്ന് മന്ത്രി പറഞ്ഞു.