ന്യൂഡൽഹി: ഇന്ത്യയുടെ കാർഷിക കയറ്റുമതി പുതിയ ആഗോള വിപണികൾ കണ്ടെത്തി തുടങ്ങി. പഴങ്ങളുടെയും പ്രധാന വിളകളുടെയും കയറ്റുമതി പാശ്ചാത്യ രാജ്യങ്ങളിലേക്ക് ആദ്യമായി കടന്നു. ഈ വിപുലീകരണം സർക്കാരിൻ്റെ ആത്മനിർഭർ ഭാരത് സംരംഭവുമായി ചേർന്ന് കർഷകരുടെ വരുമാനം ഗണ്യമായി ഉയർത്തി.

ജിയോഗ്രഫിക്കൽ ഇൻഡിക്കേഷൻ (ജിഐ) ടാഗിംഗിനുള്ള ഗവൺമെൻ്റിൻ്റെ പ്രേരണ ഇന്ത്യയുടെ ആഗോള കാർഷിക കയറ്റുമതി കൂടുതൽ മെച്ചപ്പെടുത്തി.  മഹാരാഷ്ട്രയിൽ നിന്നുള്ള പുരന്ദർ അത്തിപ്പഴം യൂറോപ്പിൽ പ്രചാരം നേടുന്നു, 2024-ൽ പോളണ്ടിലേക്ക് ആദ്യമായി റെഡി-ടു-ഡ്രിങ്ക് അത്തിപ്പഴ ജ്യൂസ് കയറ്റുമതി ചെയ്തു. കേരളത്തിലെ ജിഐ ടാഗ് ചെയ്ത വാഴക്കുളം പൈനാപ്പിൾ 2022-ൽ ദുബായിലും ഷാർജയിലും അരങ്ങേറ്റം കുറിച്ചു.

 പ്രീമിയം സങ്കോള, ഭഗവ മാതളനാരങ്ങകൾ ഓസ്‌ട്രേലിയയിലേക്ക് ആദ്യമായി കടൽ കയറ്റുമതി ചെയ്തു. ഇന്ത്യൻ മാതളനാരങ്ങകൾ, പ്രത്യേകിച്ച് മഹാരാഷ്ട്രയിലെ സോലാപൂർ ജില്ലയിൽ നിന്നുള്ളവ, 2023-ൽ ഒരു ട്രയൽ ഷിപ്പ്‌മെൻ്റിനുശേഷം യുഎസിൽ പ്രചാരം നേടിയിട്ടുണ്ട്.

 പഴങ്ങളുടെ കയറ്റുമതി വൈവിധ്യവത്കരിക്കാനുള്ള ശ്രമങ്ങൾക്കിടയിൽ 2021-ൽ ലണ്ടനിലേക്കും ബഹ്‌റൈനിലേക്കും ഡ്രാഗൺ ഫ്രൂട്ടും അസമിൽ നിന്ന് ദുബായിലേക്ക് ബർമീസ് മുന്തിരിയും കയറ്റുമതി ചെയ്തു.  ത്രിപുരയിൽ നിന്നുള്ള  ചക്ക ജർമ്മനിയിലേക്ക് കയറ്റുമതി ചെയ്തു, നാഗാലാൻഡിലെ എരിവുള്ള ‘രാജ മിർച്ച’ (രാജ മുളക്) ലോജിസ്റ്റിക് വെല്ലുവിളികളെ അതിജീവിച്ച് ലണ്ടനിലെത്തി.

 ഇന്ത്യയുടെ അരി കയറ്റുമതിയിലും ഗണ്യമായ വളർച്ചയുണ്ടായി.  2021-ൽ, അസമിലെ ഇരുമ്പ് സമ്പുഷ്ടമായ ‘ചുവന്ന അരി’ (ബാവോ-ധാൻ) യുഎസിലേക്ക് കയറ്റി അയച്ചു. ഏറ്റവും പുതിയ കണക്കനുസരിച്ച് മൊത്തം അരി കയറ്റുമതിയിൽ 44.61% വർദ്ധനവ് രേഖപ്പെടുത്തി, 2024 ജനുവരിയിലെ 0.95 ബില്യൺ ഡോളറിൽ നിന്ന് 2025 ജനുവരിയിൽ 1.37 ബില്യൺ ഡോളറിലെത്തി.ഈ  കയറ്റുമതി വർദ്ധനവ്  ആഗോള കാർഷിക വ്യാപാരത്തിൽ ഇന്ത്യയുടെ പ്രാധാന്യം വെളിപ്പെടുത്തുന്നു