ഇന്ത്യൻ റെയിൽവേ ചൊവ്വാഴ്ച രാജ്യത്തുടനീളം അഞ്ച് വന്ദേ ഭാരത് ട്രെയിനുകൾ അവതരിപ്പിച്ചു, ആറ് സംസ്ഥാനങ്ങളെ ബന്ധിപ്പിക്കുന്ന ഈ വന്ദേ ഭാരത് ട്രെയിനുകൾ പ്രധാനമന്ത്രി നരേന്ദ്ര മോദി ഫ്ലാഗ് ഓഫ് ചെയ്തു. 

ഭോപ്പാൽ-ഇൻഡോർ, ഭോപ്പാൽ-ജബൽപൂർ, ഗോവ-മുംബൈ, ഹാതിയ-പട്‌ന, ബാംഗ്ലൂർ-ധാർവാഡ് റൂട്ടുകളിലാണ് വന്ദേ ഭാരത് ട്രെയിൻ സർവീസ് ആരംഭിച്ചത് .ആദ്യമായി ബീഹാർ, ജാർഖണ്ഡ്, ഗോവ എന്നീ സംസ്ഥാനങ്ങളെ വന്ദേ ഭാരത് ട്രെയിനുകളുടെ പട്ടികയിൽ ഉൾപ്പെടുത്തി.

രാജ്യത്ത് 46 സർവീസുകൾ നടത്തുന്ന  23 വന്ദേ ഭാരത് ട്രെയിനുകൾ ഇപ്പോൾ ഉണ്ട്. അടുത്ത വർഷത്തിനുള്ളിൽ രാജ്യത്ത് 75 വന്ദേ ഭാരത് ട്രെയിനുകൾ ഓടിക്കുമെന്ന് പ്രധാനമന്ത്രി ചെങ്കോട്ടയിൽ നിന്ന് കഴിഞ്ഞ വർഷം പ്രഖ്യാപിച്ചിരുന്നു. അതനുസരിച്ച്,  അടുത്ത ഏതാനും മാസങ്ങൾക്കുള്ളിൽ, രാജ്യത്തെ വന്ദേ ഭാരത് ട്രെയിനുകൾക്കായി പ്രധാനമന്ത്രി നിശ്ചയിച്ചിട്ടുള്ള ലക്ഷ്യം ഇന്ത്യൻ റെയിൽവേ പൂർത്തീകരിക്കുമെന്ന് പ്രതീക്ഷിക്കുന്നു.

വന്ദേ ഭാരത് എക്‌സ്പ്രസ് ഒരു സെമി-ഹൈ സ്പീഡ് ട്രെയിൻ ആണ്. ‘മേക്ക് ഇൻ ഇന്ത്യ’ പദ്ധതിക്ക് കീഴിലാണ് ഈ ട്രെയിൻ തദ്ദേശീയമായി നിർമ്മിച്ചിരിക്കുന്നത്.  സ്റ്റെയിൻലെസ് സ്റ്റീൽ കാർ ബോഡിയാണുള്ളത്. ഉയർന്ന  വേഗതയ്ക്കായി പൂർണ്ണമായും സസ്പെൻഡ് ചെയ്ത ട്രാക്ഷൻ മോട്ടോറുകളുള്ള ബോഗികൾ ഉണ്ട്. വിപുലമായ അത്യാധുനിക സസ്പെൻഷൻ സംവിധാനം യാത്രക്കാർക്ക് സുഗമവും സുരക്ഷിതവുമായ യാത്രയും മെച്ചപ്പെട്ട സവാരി സുഖവും ഉറപ്പാക്കുന്നു