സേലം, തമിഴ്‌നാട്, ഒക്ടോബർ 30, 2023 – ഇന്ത്യയിലെ മുൻനിര എയർലൈനായ ഇൻഡിഗോ സേലത്ത് നിന്ന് 2023 ഒക്ടോബർ 30-ന് പ്രവർത്തനം ആരംഭിച്ചു. എയർലൈൻ സേലത്ത് നിന്ന് ദിവസവും ചെന്നൈയിലേക്കും,ആഴ്ചയിൽ നാല് തവണ ഹൈദരാബാദിലേക്കും ബെംഗളൂരുവിലേക്കും സർവീസ് നടത്തും
ഈ പുതിയ റൂട്ടുകൾ ആരംഭിക്കുന്നത് അന്തർസംസ്ഥാന കണക്റ്റിവിറ്റി വർദ്ധിപ്പിക്കുന്നതിനും മേഖലയിലെ സാമ്പത്തിക വളർച്ചയെ പ്രോത്സാഹിപ്പിക്കുന്നതിനുമുള്ള ഒരു സുപ്രധാന ചുവടുവയ്പ്പാണ്. ചെറിയ നഗരങ്ങളിലെയും പട്ടണങ്ങളിലെയും ആളുകൾക്ക് വിമാന യാത്ര കൂടുതൽ പ്രാപ്യമാക്കാൻ ലക്ഷ്യമിടുന്ന പ്രാദേശിക കണക്റ്റിവിറ്റി പദ്ധതിയുടെ ഭാഗമാണിത്.
” സേലത്തേക്ക് പ്രവർത്തനങ്ങൾ ആരംഭിക്കുന്നതിൽ ഞങ്ങൾക്ക് സന്തോഷമുണ്ട്. ഈ പുതിയ റൂട്ടുകൾ ഞങ്ങളുടെ ഉപഭോക്താക്കൾക്ക് സൗകര്യപ്രദവും താങ്ങാനാവുന്നതുമായ യാത്രാ ഓപ്‌ഷനുകൾ നൽകുകയും വിനോദസഞ്ചാരവും വ്യാപാരവും വർദ്ധിപ്പിക്കുകയും ചെയ്യും. ഞങ്ങളുടെ ഉപഭോക്താക്കൾക്ക് സുഗമമായ യാത്രാനുഭവം നൽകുന്നതിന് ഞങ്ങൾ പ്രതിജ്ഞാബദ്ധരാണ്.”ഇൻഡിഗോയിലെ ഗ്ലോബൽ സെയിൽസ് മേധാവി വിനയ് മൽഹോത്ര പറഞ്ഞു,
തമിഴ്‌നാട്ടിലെ അഞ്ചാമത്തെ വലിയ നഗരമായ സേലം ഒരു പ്രധാന വ്യവസായ വാണിജ്യ കേന്ദ്രമാണ്. ഏർക്കാട് ഹിൽ സ്റ്റേഷൻ, സേലം സ്റ്റീൽ പ്ലാന്റ് തുടങ്ങി നിരവധി പ്രശസ്തമായ സ്ഥാപനങ്ങളും ഇവിടെയുണ്ട്. ഡയറക്ട് ഫ്ലൈറ്റുകളുടെ ആരംഭം ഈ മേഖലയിലെ കണക്റ്റിവിറ്റി വർദ്ധിപ്പിക്കുകയും ടൂറിസം പ്രോത്സാഹിപ്പിക്കുകയും ചെയ്യും.
