പാകിസ്ഥാൻ ബ്യൂറോ ഓഫ് സ്റ്റാറ്റിസ്റ്റിക്സ് (പിബിഎസ്) പ്രസിദ്ധികരിച്ച കണക്ക് പ്രകാരം 2023 മാർച്ച് 22 ന് അവസാനിച്ച ആഴ്ചയിൽ കഴിഞ്ഞ ഒരു വർഷം പണപ്പെരുപ്പം 47% ശതമാനം വർദ്ധിച്ചു.
അവശ്യസാധനങ്ങളുടെ തുടർച്ചയായ വിലക്കയറ്റത്തെ തുടർന്നാണിത്.

ഉള്ളി (228.28%), സിഗരറ്റ് (165.88%), ഗോതമ്പ് പൊടി (120.66%),  ഗ്യാസ് ചാർജുകൾ (108.38%), ഡീസൽ (102.84%), ടീ ലിപ്ടൺ (94.60%), ഏത്തപ്പഴം( 89.84%), അരി ബസുമതി  (81.22%), പെട്രോൾ (81.17%), മുട്ട (79.56%) എന്നിവയാണ്
പികെ റെവന്യൂ പ്രസിദ്ധീകരിച്ച റിപ്പോർട്ട് പ്രകാരം ഉയർന്ന വില രേഖപ്പെടുത്തിയ ഇനങ്ങൾ.  

2023 മാർച്ച് 17 ന് അവസാനിക്കുന്ന ആഴ്ചയിൽ രാജ്യത്തിന്റെ വിദേശനാണ്യ കരുതൽ ശേഖരം 10.14 ബില്യൺ ഡോളറായി ഉയർന്നതായും റിപ്പോർട്ടിൽ പറയുന്നു.

നിലവിലുള്ള സാമ്പത്തിക പ്രതിസന്ധിയും ഐഎംഎഫ് ലോൺ കാലതാമസവും കാരണം പേയ്‌മെന്റ് ബാലൻസ് നിലനിർത്താൻ പാകിസ്ഥാൻ വിദേശനാണ്യത്തിന്റെ ഗണ്യമായ ക്ഷാമം നേരിടുകയാണ്.

220 മില്യൺ ജനങ്ങളുള്ള  രാജ്യത്തിന് 1.1 ബില്യൺ യുഎസ് ഡോളർ അനുവദിക്കുന്ന കരാറിൽ ഫെബ്രുവരി ആദ്യം മുതൽ ഇരുവരും ചർച്ചകൾ നടത്തിവരുന്നു, പണലഭ്യത വെല്ലുവിളി നേരിടുന്ന രാജ്യത്തിന് ഇത് വളരെ നിർണായകമാണ്.

ഇന്ധന വില വർദ്ധന, നികുതി വർദ്ധന, വായ്പകൾക്കായി ഐഎംഎഫ് ആവശ്യപ്പെടുന്ന മറ്റുള്ളവ ഉൾപ്പെടെ വിവിധ സാമ്പത്തിക പരിഷ്കാരങ്ങൾ പാകിസ്ഥാൻ സർക്കാർ വരുത്തിയിട്ടുണ്ട്.  ഈ ഫണ്ടുകൾ 2019-ൽ ഐഎംഎഫ് അംഗീകരിച്ച 6.5 ബില്യൺ ഡോളറിന്റെ ബെയിൽ ഔട്ട് പാക്കേജിന്റെ ഭാഗമാണ് . ബാഹ്യ പേയ്‌മെന്റ് ബാധ്യതകളിൽ വീഴ്ച വരുത്തുന്നത് ഒഴിവാക്കാൻ പാകിസ്ഥാന് ഇത് അത്യന്താപേക്ഷിതമാണ്.

എന്നിരുന്നാലും, പണമില്ലാത്ത രാജ്യത്തിന് ഇതുവരെ ധനസഹായം അനുവദിച്ചിട്ടില്ല.