ഇറാൻ്റെ ബാലിസ്റ്റിക് മിസൈൽ ആക്രമണത്തെത്തുടർന്ന്  ഇസ്രായേൽ ഇറാനിലെ സൈനിക ലക്ഷ്യങ്ങൾക്കെതിരായ പ്രതികാര ആക്രമണങ്ങളുടെ ഒരു പരമ്പര പൂർത്തിയാക്കി.ആക്രമണത്തിൽ ഇസ്രായേൽ പ്രതിരോധ സേനയുടെ (ഐഡിഎഫ്) 100-ലധികം  യുദ്ധവിമാനങ്ങൾ ഉൾപ്പെട്ടിട്ടുണ്ടെന്ന് സ്ഥിരീകരിച്ചു.  ടെഹ്‌റാൻ, ഇലാം, ഖുസെസ്ഥാൻ എന്നിവയുൾപ്പെടെ ഒന്നിലധികം ഇറാനിയൻ പ്രവിശ്യകളിലെ സൈനിക സൈറ്റുകളിലും, വൈദ്യുതി നിലയങ്ങളിലും ആക്രമണങ്ങൾ നടത്തി.  ഇറാൻ-ഇറാഖ് യുദ്ധത്തിന് ശേഷം ടെഹ്‌റാനിൽ നേരിട്ട് ഇസ്രായേൽ നടത്തുന്ന ആദ്യ ആക്രമണമാണിത്.

ഇറാനിയൻ സ്റ്റേറ്റ് മീഡിയ ടെഹ്‌റാനിൽ വലിയ സ്‌ഫോടനങ്ങൾ റിപ്പോർട്ട് ചെയ്തു. അതേസമയം ഇറാൻ ഉദ്യോഗസ്ഥർ ആക്രമണം അംഗീകരിച്ചെങ്കിലും നാശനഷ്ടങ്ങൾ പരിമിതമാണെന്ന് വിവരിച്ചു. ഇറാൻ്റെ സിവിൽ ഏവിയേഷൻ ഓർഗനൈസേഷൻ എല്ലാ വിമാനങ്ങളും അനിശ്ചിതകാലത്തേക്ക് നിർത്തിവെക്കുകയും രാജ്യത്തിൻ്റെ വ്യോമപാത അടയ്ക്കുകയും ചെയ്തു.

സംഘർഷം അയൽരാജ്യമായ സിറിയയിലേക്കും വ്യാപിച്ചു, അവിടെ മധ്യ, തെക്കൻ പ്രദേശങ്ങളിലെ സൈനിക സൈറ്റുകൾ ലക്ഷ്യമിട്ട് ഇസ്രായേൽ വ്യോമാക്രമണം നടത്തി.  അസ്ഥിരത കാരണം ഇനിയൊരു അറിയിപ്പ് ഉണ്ടാകുന്നത് വരെ ഇറാഖ് എല്ലാ വിമാന പ്രവർത്തനങ്ങളും നിർത്തിവച്ചിരിക്കുകയാണ്.

ഐഡിഎഫ് അതിൻ്റെ പ്രസ്താവനയിൽ, കൂടുതൽ സoഘർഷത്തിനെതിരെ ഇറാന് മുന്നറിയിപ്പ് നൽകി, തുടരുന്ന ഏത് ആക്രമണത്തിനും  പ്രതികരിക്കുമെന്ന് പറഞ്ഞു, ഇത് ഇതിനകം അസ്ഥിരമായ മേഖലയിൽ കൂടുതൽ സംഘർഷം രൂക്ഷമാകാനുള്ള സാധ്യത സൂചിപ്പിക്കുന്നു.