ചിലിയെ തകർത്ത് അർജൻ്റീന കോപ്പ അമേരിക്ക ക്വാർട്ടർ ഫൈനലിൽ സ്ഥാനം ഉറപ്പിച്ചു, എന്നാൽ ശനിയാഴ്ച പെറുവിനെതിരെ ലയണൽ മെസ്സി കളിക്കുമെന്ന് പ്രതീക്ഷിക്കുന്ന ആരാധകർ ഒരു പക്ഷെ നിരാശരായേക്കാം.

മിയാമിയിലെ ഹാർഡ് റോക്ക് സ്‌റ്റേഡിയത്തിൽ നടക്കുന്ന ഏറ്റുമുട്ടലിൽ മെസ്സിയൊടൊപ്പം നിരവധി പ്രധാന കളിക്കാർക്ക് വിശ്രമം നൽകുമെന്ന് കോച്ച് ലയണൽ സ്‌കലോനി സൂചന നൽകി.

“ഇതുവരെ ഫീച്ചർ ചെയ്യാത്ത കളിക്കാരെ മത്സരത്തിൽ  പങ്കെടുപ്പിക്കേണ്ടതുണ്ട്,” സ്കലോനി വിശദീകരിച്ചു, “അവർ ഒരു അവസരം അർഹിക്കുന്നു.”

ചിലിക്കെതിരെയുള്ള മത്സരത്തിൽ  മെസ്സി വലത് തുടയുടെ മുകൾഭാഗത്തെ പരിക്കിന് ചികിത്സ നേടിയെങ്കിലും മുഴുവൻ മത്സരവും കളിക്കാൻ കഴിഞ്ഞു.  പ്രശ്‌നത്തിൻ്റെ തീവ്രത വിലയിരുത്താൻ അദ്ദേഹം പരിശോധനയ്ക്ക് വിധേയനാകുകയാണെന്നാണ് റിപ്പോർട്ടുകൾ സൂചിപ്പിക്കുന്നത്.

മെസ്സിയുടെ നിലയെക്കുറിച്ച് സ്കലോനി പറഞ്ഞു, “കളി കഴിഞ്ഞ് ഞാൻ അവനോട് സംസാരിച്ചിട്ടില്ല. അവൻ 90 മിനിറ്റ് മുഴുവൻ കളിച്ചു. അവനെ കാണുന്നതുവരെ എനിക്ക് കൂടുതൽ പറയാൻ കഴിയില്ല.”

അർജൻ്റീന-പെറു പോരാട്ടത്തിന് ധാരാളം കാണികളെ പ്രതീക്ഷിക്കുന്നു, മെസ്സിയുടെ അഭാവം അവരുടെ ആവേശത്തെ തളർത്തുമെന്നതിൽ സംശയമില്ല.  നിർണായകമായ നോക്കൗട്ട് ഘട്ടങ്ങൾക്ക് മുമ്പായി അദ്ദേഹത്തിൻ്റെ ഫിറ്റ്നസ് അപ്ഡേറ്റുകൾക്കായി ആരാധകർ ആകാംക്ഷയോടെ കാത്തിരിക്കുകയാണ്