ടെസ്ല, സ്പേസ് എക്സ്, എക്സ് (മുന്‍പ് ട്വിറ്റർ) തുടങ്ങിയ ആഗോള ടെക് ഭീമന്മാരുടെ മേധാവിയായ എലോൺ മസ്ക് ഇന്ത്യയിൽ ഇതുവരെ സന്ദർശിച്ചിട്ടില്ലെന്നത് വലിയ തെറ്റാണെന്ന് അദ്ദേഹത്തിന്റെ പിതാവ് എറോൾ മസ്ക് അഭിപ്രായപ്പെട്ടു. “ഇന്ത്യയിൽ ഇലോൺ മസ്ക് വന്നിട്ടില്ല എന്നത് എന്നെ അത്ഭുതപ്പെടുത്തുന്നു. വന്നിട്ടില്ലെങ്കിൽ അത് വലിയ തെറ്റാണ്,” എറോൾ മസ്ക് പറഞ്ഞു. കൂടാതെ, മകനായ ഇലോൺ മസ്ക് ജോലിത്തിരക്കിൽ നിന്ന് കുറച്ച് വിശ്രമിക്കാനും ഒരു ഇടവേള എടുക്കാനും അദ്ദേഹം ഉപദേശിച്ചു.
ഇന്ത്യ സന്ദർശിക്കാൻ ഇലോൺ മസ്ക് ഒരുപാട് തവണ ശ്രമിച്ചിട്ടുണ്ടെങ്കിലും, വിവിധ കാരണങ്ങൾ മൂലം യാത്ര പലതവണ മാറ്റിവയ്ക്കേണ്ടി വന്നു. 2024-ൽ ഇന്ത്യ സന്ദർശിക്കാനായിരുന്നു ആദ്യ പദ്ധതി, എന്നാൽ ലോക്സഭാ തിരഞ്ഞെടുപ്പും മറ്റ് തിരക്കുകളും കാരണം അത് മാറ്റിവെക്കുകയായിരുന്നു. പിന്നീട് അദ്ദേഹം ഇന്ത്യ സന്ദർശിക്കാൻ ഏപ്രിലിൽ തന്നെ പദ്ധതിയിട്ടിരുന്നുവെങ്കിലും, തിരക്കുകൾ കാരണം യാത്ര മാറ്റിവയ്ക്കേണ്ടി വന്നു. എന്നാൽ, ഈ വർഷം അവസാനം ഇന്ത്യ സന്ദർശിക്കുമെന്ന് മസ്ക് പ്രഖ്യാപിച്ചിട്ടുണ്ട്. പ്രധാനമന്ത്രി നരേന്ദ്ര മോദിയുമായി ആശയവിനിമയം നടത്താൻ കഴിഞ്ഞത് വലിയ അംഗീകാരമായി കരുതുന്നുവെന്നും, ഇന്ത്യയിലെ ടെസ്ല, സ്റ്റാർലിങ്ക്, സ്പേസ് എക്സ് തുടങ്ങിയ പദ്ധതികൾക്ക് പുതിയ വാതിൽ തുറക്കുമെന്നുമാണ് പ്രതീക്ഷിക്കുന്നു എന്നും അദ്ദേഹം പറഞ്ഞു.
ടെസ്ലയുടെ കാറുകൾ 2025-ൽ ഇന്ത്യൻ വിപണിയിൽ എത്തുമെന്നതും, ഇന്ത്യയിലെ ഇലക്ട്രിക് വാഹന വിപണി വളരുന്ന ഘട്ടത്തിലാണെന്നതും ഈ സന്ദർശനത്തിന് പ്രത്യേക പ്രാധാന്യം നൽകുന്നു. അതേസമയം, ഇലോൺ മസ്കിന്റെ പിതാവിന്റെ നിരാശയും ഇന്ത്യ സന്ദർശിക്കാൻ മകനെ അദ്ദേഹം വീണ്ടും ഉപദേശിച്ചതും ഈ വിഷയത്തിൽ ശ്രദ്ധേയമാണ്.
