സിഐഇഎസ് (CIES) ഫുട്ബോൾ ഒബ്സർവേറ്ററി ലോക ഫുട്ബോളിലെ ഏറ്റവും വിലപിടിപ്പുള്ള കളിക്കാരുടെ വാർഷിക ലിസ്റ്റ് അനാവരണം ചെയ്തു. ലിസ്റ്റിൽ ജൂഡ് ബെല്ലിംഗ്ഹാം ഒന്നാം സ്ഥാനത്ത് നില്ക്കുന്നു. ബൊറൂസിയ ഡോർട്ട്മുണ്ടിൽ നിന്ന് റയൽ മാഡ്രിഡിൽ ചേർന്ന 20 കാരനായ മിഡ്ഫീൽഡർ, 267.5 മില്യൺ യൂറോയുടെ ട്രാൻസ്ഫർ മൂല്യവുമായി  ഏറ്റവും വിയേറിയ കളിക്കാരനെന്ന നിലയിൽ തന്റെ സ്ഥാനം ഉറപ്പിച്ചു.

 റയൽ മാഡ്രിഡിന്റെ ആധിപത്യം ബെല്ലിംഗ്ഹാമിനും അപ്പുറത്തേക്ക് വ്യാപിക്കുന്നു, മികച്ച താരമൂല്യമുള്ള നാല് കളിക്കാരിൽ മൂന്ന് പേരും സ്പാനിഷ് വമ്പന്മാരിൽ നിന്നുള്ളവരാണ്. വിനീഷ്യസ് ജൂനിയറും €250.3 മില്യൺ, റോഡ്രിഗോയും €247.9 മില്യൺ, അവരുടെ മിഡ്ഫീൽഡ് മാസ്ട്രോയോടൊപ്പം ചേരുന്നു.

 മികച്ച 10 കളിക്കാരിൽ ഒമ്പത് പേരും ഇംഗ്ലീഷ് പ്രീമിയർ ലീഗിൽ നിന്നോ സ്പാനിഷ് ലാലിഗയിൽ നിന്നോ ഉള്ളവരാണ്.ഇത് ഈ രണ്ട് ലീഗുകളിലും കേന്ദ്രീകരിച്ചിരിക്കുന്ന സ്റ്റാർ പവർ എടുത്തുകാണിക്കുന്നു.  മാഞ്ചസ്റ്റർ സിറ്റി എർലിംഗ് ഹാലൻഡ് (2), ഫിൽ ഫോഡൻ (6), ജൂലിയൻ അൽവാരസ് (8) എന്നിവരെയും ആഴ്‌സണൽ ബുക്കയോ സാക്ക (5), മാർട്ടിൻ ഒഡെഗാർഡ് (10) എന്നിവരെയും സംഭാവന ചെയ്യുന്നു.

  പ്രീമിയർ ലീഗും ലാലിഗയും  ആധിപത്യം പുലർത്തുമ്പോൾ, താരമല്യമുള്ളവരെ മറ്റു സ്ഥലങ്ങളിലും കാണാം. ബയേൺ മ്യൂണിക്കിന്റെ ജമാൽ മുസിയാല (152.4 മില്യൺ യൂറോ) ആദ്യ പത്തിൽ ഇടംപിടിച്ചപ്പോൾ ബെൻഫിക്ക ഡിഫൻഡർ അന്റോണിയോ സിൽവ (114.1 മില്യൺ യൂറോ) ബിഗ് ഫൈവ് ലീഗുകൾക്ക് പുറത്തുള്ള ഏറ്റവും വിലപിടിപ്പുള്ള കളിക്കാരനായി ഉയർന്നു.

  ഫുട്‌ബോളിന്റെ  ഉയരുന്ന കൈമാറ്റ മൂല്യങ്ങൾ സിഐഇഎസ് പട്ടിക അടിവരയിടുന്നു.  എൻസോ ഫെർണാണ്ടസ്, ഡെക്ലാൻ റൈസ്, ഹാരി കെയ്ൻ തുടങ്ങിയ വരുടെ സമീപകാല മെഗാ ഡീലുകൾ സൂചിപ്പിക്കുന്നത് 2023-നെ അപേക്ഷിച്ച് 100 മില്യണിലധികം മൂല്യമുള്ള കളിക്കാരുടെ എണ്ണം ഏകദേശം ഇരട്ടിയായി.

 ബെല്ലിംഗ്ഹാമിന്റെ  അപാരമായ കഴിവും ചെറുപ്പവും  ട്രാൻസ്ഫർ മൂല്യ പട്ടികയിൽ വരും വർഷങ്ങളിലും അദ്ദേഹത്തിൻ്റെ സ്ഥാനം ഉയർന്ന് നില്ക്കും. ഉയർന്ന ട്രാൻസ്ഫർ മൂല്യം അദ്ദേഹത്തിന്റെ അസാധാരണമായ കഴിവിന്റെയും ഭാവിയിലേക്കുള്ള അപാരമായ സാധ്യതകളുടെയും തെളിവാണ്.