തിങ്കളാഴ്ച രാവിലെ പശ്ചിമ ബംഗാളിലെ ന്യൂ ജൽപായ്ഗുരിക്ക് സമീപം സീൽഡയിലേക്ക് പോകുകയായിരുന്ന കാഞ്ചൻജംഗ എക്സ്പ്രസ് ട്രെയിൻ ഗുഡ്‌സ് ട്രെയിനുമായി കൂട്ടിയിടിച്ചതായി നോർത്ത് ഫ്രോണ്ടിയർ റെയിൽവേ (എൻഎഫ്ആർ) ഉദ്യോഗസ്ഥർ അറിയിച്ചു.
ന്യൂ ജൽപായ്ഗുരി സ്റ്റേഷന് സമീപമുള്ള രംഗപാണിക്ക് സമീപം രാവിലെ 9:00 മണിയോടെയാണ് അപകടം. നിരവധി പേർക്ക് പരിക്കേറ്റതായി റിപ്പോർട്ടുകളുണ്ട്.
അഗർത്തലയിൽ നിന്ന് (ത്രിപുര) പുറപ്പെട്ട കാഞ്ചൻജംഗ എക്സ്പ്രസ് ഗുഡ്‌സ് ട്രെയിനുമായി കൂട്ടിയിടിക്കുകയായിരുന്നുവെന്ന് ഉദ്യോഗസ്ഥർ പറഞ്ഞു.
“ഇപ്പോൾ, ഡാർജിലിംഗ് ജില്ലയിലെ ഫാൻസിഡെവ പ്രദേശത്ത് നടന്ന ഒരു ദാരുണമായ ട്രെയിൻ അപകടത്തെക്കുറിച്ച് അറിഞ്ഞപ്പോൾ ഞെട്ടലുണ്ടായി. വിശദാംശങ്ങൾക്കായി കാത്തിരിക്കുന്നു” മുഖ്യമന്ത്രി മമതാ ബാനർജി,എക്‌സിലെ ഒരു പോസ്റ്റിൽ പറഞ്ഞു
