വെള്ളിയാഴ്ച ചെന്നൈ സൂപ്പർ കിംഗ്‌സിനെതിരായ മത്സരത്തിൽ ഫീൽഡ് ചെയ്യുന്നതിനിടെ ഗുജറാത്ത് ടൈറ്റൻസിന്റെ കെയ്ൻ വില്യംസന്റെ വലതു കാൽമുട്ടിന് ഗുരുതരമായി പരിക്കേറ്റു.ടൈറ്റൻസിന് വേണ്ടിയുള്ള തന്റെ ആദ്യ കളിയുടെ 13 ഓവറുകൾക്ക് ശേഷം മൈതാനത്ത് നിന്ന് പുറത്തായപ്പോൾ കിവി ബാറ്റർ കടുത്ത വേദനയിലായിരുന്നു.

ഒരു ഒരു സിക്‌സ് സേവ് ചെയ്യാനുള്ള ശ്രമത്തിനിടെ ന്യൂസിലൻഡ് ക്യാപ്റ്റന്റെ വലതു കാൽമുട്ടിന് പരിക്കേറ്റു. പന്ത് പിടിക്കാൻ നടത്തിയ ശ്രമത്തിനിടയിൽ അദ്ദേഹം താഴെ വീണു,അയാൾക്ക് പിന്നെ എഴുന്നേൽക്കാൻ കഴിഞ്ഞില്ല. മെഡിക്കൽ സംഘം നൽകിയ പരിചരണത്തിനു ശേഷം അദ്ദേഹത്തിനു ഗ്രൗണ്ട് വിട്ട് പോകണ്ടി വന്നു.

പരിക്കിന്റെ വ്യാപ്തി ഇപ്പോഴും അജ്ഞാതമാണ്, എന്നാൽ സ്‌പോർട്‌സ് ടാക്കിന്റെ റിപ്പോർട്ട് അനുസരിച്ച്, വില്യംസണെ 2023 ലെ ഐപിഎൽ ബാക്കിയുള്ളതിൽ നിന്ന് ഒഴിവാക്കിയതായി വിശ്വസിക്കപ്പെടുന്നു. ഗുജറാത്ത് ടൈറ്റൻസ് മാനേജ്‌മെന്റിന്റെ ഔദ്യോഗിക വിശദീകരണം ഇനിയും ലഭിച്ചിട്ടില്ല.