കേരള പരീക്ഷാഭവൻ എസ്എസ്എൽസി പത്താം ക്ലാസ് ഫലം പ്രഖ്യാപിച്ചു. ഈ വർഷത്തെ മൊത്തത്തിലുള്ള വിജയശതമാനം 99.70% ആണ്. ജില്ലകളിൽ ഏറ്റവും കൂടുതൽ വിജയശതമാനം (99.4 ശതമാനം) രേഖപ്പെടുത്തിയത് കണ്ണൂരാണ്.  അതേസമയം, 98.41 ശതമാനം വിജയത്തോടെ വയനാട് പട്ടികയിൽ അവസാന സ്ഥാനത്താണ്.

ഈ വർഷം 68,604 വിദ്യാർത്ഥികൾ എല്ലാ വിഷയങ്ങൾക്കും എ പ്ലസ് ഗ്രേഡ് കരസ്ഥമാക്കി, കഴിഞ്ഞ വർഷം 44,363 വിദ്യാർത്ഥികൾ മാത്രമാണ് മുഴുവൻ എ പ്ലസ് നേടിയത്.പുനർമൂല്യനിർണയത്തിനും ഉത്തരക്കടലാസുകളുടെ ഫോട്ടോകോപ്പി ലഭിക്കുന്നതിനുമുള്ള അപേക്ഷ മെയ് 20 മുതൽ മെയ് 25, 2023 വരെ ഓൺലൈനായി സമർപ്പിക്കാം.

2023-ലെ കേരള ബോർഡ് പരീക്ഷയുടെ ഔദ്യോഗിക വെബ്‌സൈറ്റുകളിൽ വിദ്യാർത്ഥികൾക്ക് അവരുടെ ഫലങ്ങൾ പരിശോധിക്കാം -keralaresults.nic.in, prd.kerala.gov.in, results.kerala.gov.in, pareekshabhavan.kerala.gov.in,  results.kite.kerala.gov.in, sslcexam.kerala.gov.in എന്നിവ.

വിദ്യാർത്ഥികൾക്ക് അവരുടെ പരീക്ഷ രജിസ്ട്രേഷൻ നമ്പറും ജനനത്തീയതിയും ഉപയോഗിച്ച് കേരള പത്താം ക്ലാസ് ഫലങ്ങൾ പരിശോധിക്കാം.

ഈ വർഷം കേരളത്തിലെ എസ്എസ്എൽസി പരീക്ഷകൾ മാർച്ച് 9 മുതൽ മാർച്ച് 29 വരെ നടന്നു. ഔദ്യോഗിക കണക്കുകൾ പ്രകാരം സംസ്ഥാനത്തൊട്ടാകെയുള്ള 2,960 പരീക്ഷാ കേന്ദ്രങ്ങളിലായി 4,19,128 കുട്ടികളാണ് പരീക്ഷ എഴുതിയത്.