ലീഗ് കപ്പ് ഗ്രൂപ്പ് ഘട്ടത്തിൽ അറ്റ്ലാന്റ യുണൈറ്റഡ് എഫ്‌സിക്കെതിരായ മത്സരത്തിനുള്ള ലയണൽ മെസ്സി ഇന്റർ മിയാമി സിഎഫിന്റെ ക്യാപ്റ്റൻ സ്ഥാനം ഏറ്റെടുത്തേക്കും. ഇന്റർ മിയാമിയുടെ മുഖ്യ പരിശീലകൻ ജെറാർഡോ “ടാറ്റ” മാർട്ടിനോ തിങ്കളാഴ്ച ഒരു വാർത്താ സമ്മേളനത്തിൽ ഈ സാധ്യത സ്ഥിരീകരിച്ചു.
കഴിഞ്ഞ മത്സരത്തിലും മെസ്സി ടീമിന്റെ ക്യാപ്റ്റനായിരുന്നുവെന്ന് മാർട്ടിനോ പറഞ്ഞു. ഈ മത്സരത്തിൽ മെസ്സിക്കും സെർജിയോ ബുസ്‌കെറ്റ്‌സിനും കൂടുതൽ സമയം ലഭിക്കാൻ സാധ്യതയുണ്ട്. ഇത് ക്ലബിനായുള്ള അവരുടെ രണ്ടാമത്തെ മത്സരമാണ്.
ക്രൂസ് അസുലിനെതിരായ അവരുടെ അരങ്ങേറ്റ മത്സരത്തിൽ, മെസ്സിയും ബുസ്‌കെറ്റ്‌സും ഏകദേശം 40 മിനിറ്റ് വീതം കളിച്ചു, മെസ്സി തന്റെ സിഗ്നേച്ചർ ഫ്രീ കിക്കുകളിൽ ഒന്ന് ഗോളാക്കി ടീമിൻ്റെ വിജയം ഉറപ്പിച്ചു. 2-1 ന്റെ വിജയം മെസ്സിക്ക് തന്റെ പുതിയ ക്ലബ്ബിൽ ശ്രദ്ധേയമായ തുടക്കം കുറിച്ചു.
ഇനി ലീഗ്സ് കപ്പിൽ 32-ാം റൗണ്ടിലേക്ക് മുന്നേറാൻ ഇന്റർ മിയാമിക്ക് അറ്റ്ലാന്റക്കെതിരെ സമനില നേടിയാൽ മതി. മത്സരത്തിൽ ജയിച്ചാൽ ഒർലാൻഡോ സിറ്റി എസ്‌സി, ഷാർലറ്റ് എഫ്‌സി, സാന്റോസ് ലഗൂണ എന്നിവരടങ്ങുന്ന സൗത്ത് 2 ഗ്രൂപ്പിലെ വിജയിക്ക് എതിരെ മിയാമി കളിക്കും
മെസ്സിയുടെ മറ്റൊരു മുൻ ബാഴ്‌സലോണ സഹതാരം, 34 കാരനായ ജോർഡി ആൽബയും ചൊവ്വാഴ്ചത്തെ മത്സരത്തിൽ പങ്കെടുത്തേക്കാം. അദ്ദേഹം അടുത്തിടെ ടീമിൽ ചേർന്നിരുന്നു. ലീഗ്സ് കപ്പിൽ മിയാമിയെ വളർത്തിയെടുക്കാൻ ശ്രമിക്കുന്നതിൽ അദ്ദേഹവും ഇനി പങ്കാളിയാവും.
