മഹാനദി കോൾഫീൽഡ്സ് ലിമിറ്റഡ്  2023-24 സാമ്പത്തിക വർഷത്തിൽ 175 ദശലക്ഷം ടൺ കൽക്കരി ഉത്പാദനം എന്ന മികച്ച നേട്ടം കൈവരിച്ചു. ഇതോടെ 16 ദിവസം മുൻപേ തന്നെ കഴിഞ്ഞ 2022-23 സാമ്പത്തിക വർഷത്തെ നേട്ടത്തെ   പിന്നിടാൻ സാധിച്ചു. ട്വിറ്ററിൽ കമ്പനി  പങ്കുവച്ച സന്ദേശത്തിലൂടെയാണ് ഈ വാർത്ത പുറത്തുവന്നത്.

രാജ്യത്തിന്റെ ഊർജ്ജ സ്വയംപര്യാപ്തതയിലേക്കുള്ള പ്രതിബദ്ധതയ്ക്ക് മുതൽക്കൂട്ട് നൽകുന്ന നേട്ടമാണ് മഹാനദി കോൾഫീൽഡ്സിന്റെത് . കഴിഞ്ഞ കുറച്ച് വർഷങ്ങളായി ഉയർന്നുവരുന്ന കൽക്കരി ആവശ്യങ്ങൾ നിറവേറ്റുന്നതിനൊപ്പം രാജ്യത്തിന്റെ സാമ്പത്തിക വളർച്ചയ്ക്കും സ്ഥാപനം നിർണായക പങ്ക് വഹിച്ചു.

ഇന്ത്യയിലെ ഒരു പ്രധാന കൽക്കരി ഉൽപ്പാദക കമ്പനിയാണ് മഹാനദി കോൾഫീൽഡ്സ് ലിമിറ്റഡ് .  സൗത്ത് ഈസ്റ്റേൺ കോൾഫീൽഡ്സ് ലിമിറ്റഡിൽ നിന്ന് 1992-ൽ സ്ഥാപിതമായതാണ് . സമ്പൽപൂരിലാണ് ആസ്ഥാനം.  22,352 ജീവനക്കാരുള്ള എംസിഎൽ കോൾ ഇന്ത്യയുടെ എട്ട് അനുബന്ധ സ്ഥാപനങ്ങളിൽ ഒന്നാണ്