മുണ്ടക്കൈ-ചൂരൽമല പ്രകൃതിക്ഷോഭത്തിൽ ദുരിതമനുഭവിക്കുന്നവരെ സഹായിക്കാൻ മലങ്കര ഓർത്തഡോക്സ് സുറിയാനി സഭ മുന്നിട്ടിറങ്ങി. പ്രസക്തമായ എല്ലാ ചട്ടങ്ങളും പാലിച്ചും നിലവിലുള്ള സർക്കാർ പുനരധിവാസ പരിപാടികളുമായി ഏകോപിപ്പിച്ചും സർക്കാർ നിശ്ചയിച്ച സ്ഥലത്ത് 50 വീടുകൾ നിർമ്മിക്കുമെന്ന് സഭ അറിയിച്ചു.
സഭയുടെ പ്രതിബദ്ധത വ്യക്തമാക്കുന്ന കത്ത് മുഖ്യമന്ത്രിയുടെ ദുരിതാശ്വാസ നിധിയിലേക്ക് സമർപ്പിച്ചു. റവന്യൂ, ഭവനനിർമാണ മന്ത്രി കെ.രാജൻ, വനം-വന്യജീവി വകുപ്പ് മന്ത്രി എ.കെ.ശശീന്ദ്രൻ, വയനാട് ജില്ലാ കലക്ടർ ഡി.ആർ.മേഘശ്രീ എന്നിവരുൾപ്പെടെയുള്ള പ്രധാന ഉദ്യോഗസ്ഥരുടെ സാന്നിധ്യത്തിൽ ജില്ലാ കലക്ടറുടെ ചേംബറിൽ നടന്ന ചടങ്ങിലാണ് കൈമാറ്റം നടന്നത്.
മലങ്കര ഓർത്തഡോക്സ് സഭാധ്യക്ഷൻ ബസേലിയോസ് മാർത്തോമ്മാ മാത്യൂസ് ത്രിതീയ കത്ത് അധികാരികൾക്ക് നൽകി. യൂഹാനോൻമാർ പോളിക്കാർപ്പോസ് (അങ്കമാലി), ഗീവർഗീസ് മാർ ബർണബാസ് (സുൽത്താൻ ബത്തേരി), സഭാ ട്രസ്റ്റി റോണി വർഗീസ്, സഭാ സെക്രട്ടറി അഡ്വ. ബിജു ഉമ്മൻ എന്നിവർ ചടങ്ങിൽ സന്നിഹിതരായിരുന്നു
Representational image only
