ബ്യൂണസ് ഐറിസ്: 2026ലോകകപ്പ് യോഗ്യതാ മത്സരത്തിനിടെ സഹതാരം റോഡ്രിഗോ ഡി പോളും ഉറുഗ്വേൻ ഡിഫൻഡർ മത്യാസ് ഒലിവേരയും തമ്മിലുള്ള വഴക്കിൽ ഫുട്ബോൾ ഇതിഹാസം ലയണൽ മെസ്സി ഇടപെട്ടു.

 19-ാം മിനിറ്റിൽ ഡി പോളും ഒലിവേരയും വാശിയേറിയ വാക്കുതർക്കത്തിൽ ഏർപ്പെട്ടതോടെയാണ് സംഭവം അരങ്ങേറിയത്.  വാക്ക് തർക്കം പെട്ടെന്ന് കൈയ്യാങ്കളിയിലേക്ക്  നീങ്ങി.  സ്ഥിതിഗതികൾ നിയന്ത്രണാതീതമാകുമെന്ന സ്ഥതി കേ തുടർന്ന് ഇരു ടീമിലെയും കളിക്കാർ സംഭവസ്ഥലത്തേക്ക് കുതിച്ചു.

  ശാന്തതയ്ക്കും സൗമ്യതയ്ക്കും പേരുകേട്ട മെസ്സി പെട്ടെന്ന് പ്രത്യക്ഷപ്പെടുകയും ഒലിവേരയെ തള്ളുകയും ചെയ്തതോടെ കാര്യം അപ്രതീക്ഷിത വഴിത്തിരിവായി.  അർജന്റീനിയൻ ക്യാപ്റ്റന്റെ ഈ അസാധാരണമായ ആക്രമണം ഉടൻ തന്നെ സഹതാരങ്ങളുടെ ശ്രദ്ധ ആകർഷിച്ചു, അവർ പിന്തുണാ പ്രകടനത്തിൽ അദ്ദേഹത്തിന് ചുറ്റും അണിനിരന്നു.

 ഒടുവിൽ ഡി പോളിനും ഒലിവേരയ്ക്കും താക്കീത് നൽകിയ റഫറിയാണ് വഴക്ക് തടഞ്ഞത്.  സംഭവത്തിൽ  മെസ്സിക്ക് ഉദ്യോഗസ്ഥനിൽ നിന്ന് കർശനമായ താക്കീത് ലഭിച്ചു.

റൊണാൾഡ് അരൗജോയുടെയും ഡാർവിൻ ന്യൂനെസിന്റെയും  ഗോളുകളിലൂടെ കളിയിൽ 2-0ന് ഉറുഗ്വേ ജയിച്ചു

 അച്ചടക്ക നടപടിയുടെ ഭാഗമായി തന്റെ കരിയറിൽ മൂന്ന് തവണയാണ് മെസ്സി പുറത്തായത്.  അതിൽ രണ്ടെണ്ണം അർജന്റീനയ്ക്ക് വേണ്ടി കളിക്കുമ്പോൾ ചുവപ്പ് കാർഡ് ലഭിച്ചതിനാണ്.

 2005-ൽ ഹംഗറിക്കെതിരായ അന്താരാഷ്ട്ര അരങ്ങേറ്റത്തിൽ തന്നെ അദ്ദേഹം  പുറത്തായി. പിന്നീട് 14 വർഷത്തിന് ശേഷം 2019 കോപ്പ അമേരിക്കയിൽ ചിലിക്കെതിരെ വീണ്ടും ചുവപ്പ് കണ്ടു.

 2021-ൽ ബാഴ്‌സലോണയും അത്‌ലറ്റിക് ബിൽബാവോയും തമ്മിൽ നടന്ന സൂപ്പർകോപ്പ സെമിഫൈനൽ മത്സരത്തിനിടെയാണ് മെസ്സിയുടെ ക്ലബ്ബ് കരിയറിലെ ഏക ചുവപ്പ് കാർഡ്.