റിയാദ് സീസൺ കപ്പിൽ ലയണൽ മെസ്സിയുടെ ഇന്റർ മിയാമി ക്രിസ്റ്റ്യാനോ റൊണാൾഡോയുടെ അൽ നാസറിനെ നേരിടുമ്പോൾ, ലോകമെമ്പാടുമുള്ള ഫുട്ബോൾ ആരാധകർക്ക് 2024 ഫെബ്രുവരിയിൽ ഒരു തകർപ്പൻ പോരാട്ടം കാണാൻ അരങ്ങൊരുങ്ങുന്നു.  ഏറെ പ്രതീക്ഷയോടെ കാത്തിരിക്കുന്ന മത്സരത്തെക്കുറിച്ചുള്ള മുൻ റിപ്പോർട്ടുകൾ സ്ഥിരീകരിച്ച് തിങ്കളാഴ്ച ഇന്റർ മിയാമിയാണ് പ്രഖ്യാപനം നടത്തിയത്.

 ഇന്റർ മിയാമി തങ്ങളുടെ പ്രീ സീസൺ അന്താരാഷ്ട്ര പര്യടനത്തിന്റെ ഭാഗമായി സൗദി അറേബ്യയിലേക്ക് പോകുകയും റിയാദ് സീസൺ കപ്പിൽ പങ്കെടുക്കുകയും ചെയ്യും.  ടീം ആദ്യം ജനുവരി 29 ന് അൽ-ഹിലാലിനെ നേരിടും, തുടർന്ന് 2024 ഫെബ്രുവരി 1 ന് അൽ നാസറിനെതിരെ  മത്സരിക്കും. 

 “ഈ മത്സരങ്ങൾ ഞങ്ങളുടെ ടീമിന്  പ്രധാന പെട്ട പരിശീലനങ്ങൾ നല്കും, അത് പുതിയ സീസണിനെ സമീപിക്കുമ്പോൾ ഞങ്ങൾക്ക് ഗുണം ചെയ്യും,” ഇന്റർ മിയാമി സ്‌പോർട്ടിംഗ് ഡയറക്ടർ ക്രിസ് ഹെൻഡേഴ്സൺ പറഞ്ഞു.  “അൽ-ഹിലാലിനേയും അൽ നാസറിനേയും പോലെ നിലവാരമുള്ള ടീമുകൾക്കെതിരെ മത്സരിക്കാൻ ഞങ്ങളുടെ ഗ്രൂപ്പിന് അവസരം ലഭിച്ചതിൽ ഞങ്ങൾ ആവേശത്തിലാണ്.”

   രണ്ട് ഫുട്ബോൾ ഐക്കണുകളും അവരുടെ കരിയറിൽ 35 തവണ പരസ്പരം ഏറ്റുമുട്ടിയിട്ടുണ്ട്, മെസ്സിയുടെ ടീമുകൾ 16 തവണ വിജയിച്ചു, റൊണാൾഡോയുടെ ടീമുകൾ 10 തവണ വിജയിച്ചു, ഒമ്പത് തവണ ടീമുകൾ സമനില വഴങ്ങി.  ആ മത്സരങ്ങളിൽ മെസ്സി 21 ഗോളുകളും 12 അസിസ്റ്റുകളും നേടിയപ്പോൾ റൊണാൾഡോയ്ക്ക് 20 ഗോളുകളും ഒരു അസിസ്റ്റും നേടാൻ കഴിഞ്ഞു.

 2023 ജനുവരിയിൽ അൽ നാസറിൽ ചേർന്നതു മുതൽ, റൊണാൾഡോ സൗദി പ്രോ ലീഗിൽ കാര്യമായ സ്വാധീനം ചെലുത്തിയിട്ടുണ്ട്. 40 മത്സരങ്ങളിൽ നിന്ന് 47 ഗോളുകൾ നേടിയ അദ്ദേഹം നിലവിൽ ലീഗിലെ ടോപ് സ്കോററാണ്.  അദ്ദേഹത്തിന്റെ വരവ് ലീഗിലേക്ക് കൂടുതൽ ശ്രദ്ധ നൽകുകയും അന്താരാഷ്ട്ര തലത്തിൽ അതിന്റെ പ്രൊഫൈൽ ഉയർത്താൻ സഹായിക്കുകയും ചെയ്തു.

36 കാരനായ സോക്കർ താരം ലയണൽ മെസ്സിക്ക് സൗദി അറേബ്യയിലെ ടൂറിസം അതോറിറ്റിയുമായി  കരാറുണ്ട്.  25 മില്യൺ ഡോളറിൻ്റെ മൂന്ന് വർഷത്തെ കരാറാണത്.  സൗദി അറേബ്യയുടെ ടൂറിസം അംബാസഡർ കൂടിയാണ് മെസ്സി

 ഇന്റർ മിയാമിയും അൽ നാസറും തമ്മിലുള്ള മത്സരം ലോകമെമ്പാടുമുള്ള ഫുട്ബോൾ ആരാധകർ തീർച്ചയായും കണ്ടിരിക്കേണ്ട ഒരു സംഭവമായിരിക്കും.  എക്കാലത്തെയും മികച്ച രണ്ട് കളിക്കാർ മൈതാനത്ത്  ഏറ്റുമുട്ടുന്നത് കാണാനുള്ള സുവർണ്ണ അവസരമായിരിക്കും ഇത്.