ലിവർപൂളിന്റെ സ്റ്റാർ പ്ലെയർ മുഹമ്മദ് സലാ സൗദി ക്ലബ് അൽ-ഇത്തിഹാദിലേക്കുള്ള ട്രാൻസ്ഫറിന്റെ വക്കിലാണെന്ന് ബീഐഎൻ സ്പോർട്സ് റിപ്പോർട്ട് ചെയ്തു. എന്നാൽ ലിവർപൂളും അൽ-ഇത്തിഹാദും തമ്മിൽ ഔദ്യോഗിക കരാറിൽ എത്തിയിട്ടില്ല എന്നാണറിയാൻ കഴിയുന്നത്.
ഈജിപ്ഷ്യൻ ഫോർവേഡായ സലാ ലിവർപൂളിലെ കഴിഞ്ഞ ആറ് സീസണുകളിൽ അവരുടെ മുൻനിര ഗോൾ സ്‌കോററാണ്. എന്നിരുന്നാലും, ഏറ്റവും പുതിയ റിപ്പോർട്ട് ശരിയാണെങ്കിൽ, ഇംഗ്ലണ്ടിലെ ഏറ്റവും പ്രശസ്തമായ ക്ലബ്ബുകളിലൊന്നിൽ നിന്ന് പുറത്തുപോകാൻ അദ്ദേഹത്തിന് ഗണ്യമായ ശമ്പളം വാഗ്ദാനം ചെയ്തിട്ടുണ്ടാവുമെന്ന് ഇത് സൂചിപ്പിക്കുന്നു.
നെയ്മർ, കരിം ബെൻസെമ, എൻ ഗോലോ കാന്റെ തുടങ്ങിയ ഫുട്ബോൾ താരങ്ങൾ ഉൾപ്പെടെ ലോകമെമ്പാടുമുള്ള മികച്ച പ്രതിഭകളെ റിക്രൂട്ട് ചെയ്തുകൊണ്ട് തരംഗങ്ങൾ സൃഷ്ടിച്ച സൗദി പ്രോ ലീഗിൻ്റെ (എസ്പിഎൽ) ഇത്തരമൊരു നീക്കം നിർണായകമാണെന്ന് സംശയമില്ല.
അൽ-ഇത്തിഹാദ് ഉൾപ്പെടെയുള്ള നാല് പ്രമുഖ സൗദി ടീമുകളെ രാജ്യത്തിന്റെ പൊതു നിക്ഷേപ ഫണ്ട് അടുത്തിടെ ഏറ്റെടുത്തത് അവർക്ക് ഗണ്യമായ സാമ്പത്തിക സ്രോതസ്സുകൾ ലഭിക്കാൻ അവസരമൊരുക്കി. ഈ തന്ത്രപരമായ നീക്കം, ലോകത്തെ ഏറ്റവും മികച്ച കളിക്കാരിൽ ചിലരെ സൗദി അറേബ്യയിലേക്ക് ആകർഷിക്കാൻ ലക്ഷ്യമിടുന്നു.സൗദി പ്രോ ലീഗിൻ്റെ ആഗോള പദവി ഉയർത്താനും അന്താരാഷ്ട്ര സ്റ്റേജിലെ പ്രീമിയർ ഫുട്ബോൾ ലീഗുകളിലൊന്നായി മാറാനുമുള്ള ശ്രമമായി കരുതപെടുന്നു.
സലായുടെ വിടവാങ്ങൽ റിപ്പോർട്ടുകൾ പുറത്തുവരുമ്പോൾ, മറ്റൊരു സംഭവ വികാസത്തിൽ താരത്തെ ട്രാൻസ്ഫർ ചെയ്യാൻ ലഭ്യമല്ലെന്ന് ലിവർപൂൾ അൽ-ഇത്തിഹാദിനെ അറിയിച്ചതായി ദി അത്‌ലറ്റിക് റിപ്പോർട്ട് ചെയ്തു. കൂടാതെ ആഴ്ചയിൽ 350,000 പൗണ്ട് മൂല്യമുള്ള കരാറിൽ ഒപ്പുവെച്ച സല ലിവർപൂൾ വിടാൻ ഉദ്ദേശിക്കുന്നില്ലെന്ന് ഓഗസ്റ്റിൽ സലായുടെ ഏജന്റ് പ്രസ്താവിച്ചു.
