കെ.എസ്.ആര്‍.ടി.സി പയ്യന്നൂര്‍ യുണിറ്റ് ബജറ്റ് ടൂറിസം സെല്ലിന്റെ ആഭിമുഖ്യത്തില്‍ നവംബര്‍ 7ന് മൂന്നാര്‍ വിനോദയാത്ര സംഘടിപ്പിക്കുന്നു. നവംബര്‍ 7ന് വൈകുന്നേരം ആറിന് പയ്യന്നൂരില്‍ നിന്നും പുറപ്പെട്ട് നവംബര്‍ 10ന് രാവിലെ ആറിന് തിരിച്ചെത്തുന്ന വിധത്തിലാണ് യാത്ര ക്രമീകരിച്ചിരിക്കുന്നത്.

മൂന്നാര്‍, മറയൂര്‍, കാന്തല്ലൂര്‍, ചതുരംഗപ്പാറ, ഗ്യാപ് റോഡ്, പൊന്മുടി ഡാം എന്നിവയുൾപ്പെടെ പ്രധാന വിനോദസഞ്ചാര കേന്ദ്രങ്ങൾ യാത്രയിൽ ഉൾപ്പെടുത്തിയിട്ടുണ്ട്. പ്രകൃതിദൃശ്യങ്ങളുടെ മനോഹാരിത അനുഭവിക്കാന്‍ ആഗ്രഹിക്കുന്നവര്‍ക്ക് മികച്ച അവസരമായിരിക്കും ഈ ട്രിപ്പ്.

ആദ്യം ബുക്ക് ചെയ്യുന്ന 36 പേര്‍ക്കാണ് പങ്കെടുക്കാനുള്ള അവസരം ലഭ്യമാക്കുന്നത്. കൂടാതെ, നവംബര്‍ 2ന് സംഘടിപ്പിക്കുന്ന കാരിയാത്തുംപാറ വിനോദയാത്രയ്ക്കും ചില സീറ്റുകള്‍ ഇനിയും ഒഴിവുണ്ട്.

ബുക്കിംഗിനും കൂടുതല്‍ വിവരങ്ങള്‍ക്കും ബന്ധപ്പെടാവുന്ന ഫോണ്‍ നമ്പറുകള്‍: 9495403062, 9745534123.