ടൈറ്റാനിക് അവശിഷ്ടങ്ങൾ കാണാൻ മുങ്ങുന്നതിനിടെ കാണാതായ ടൈറ്റൻ എന്നറിയപ്പെടുന്ന മുങ്ങികപ്പലിന്റെ ആർക്കൈവ് ചെയ്ത വീഡിയോ കടലിൽ നഷ്ടപ്പെട്ട അഞ്ച് വ്യക്തികൾ അഭിമുഖീകരിക്കുന്ന ഭീതി നിറഞ്ഞ സാഹചര്യങ്ങൾ തുറന്ന് കാട്ടുന്നു.  ചെറിയ അന്തർവാഹിനിയിൽ ഉൾവശം വളരെ ഇടുങ്ങിയതാണ്.  ഇരിപ്പിട ക്രമീകരണങ്ങളൊന്നും ലഭ്യമല്ല,  ചെറിയ കുളിമുറി ഉണ്ട്.  “വീഡിയോ ഗെയിം കൺട്രോളർ” പോലെയുള്ള ഒരു ഉപകരണം ഉപയോഗിച്ചാണ് മുങ്ങി കപ്പലിനെ നിയന്ത്രിക്കുന്നത്

ഓഷ്യൻഗേറ്റ് സിഇഒ സ്റ്റോക്ക്‌ടൺ റഷ് അവതരിപ്പിക്കുന്ന 2022 ലെ വീഡിയോയിൽ പ്രദർശിപ്പിച്ചിരിക്കുന്നതുപോലെ, പരിമിതമായ സ്ഥലത്ത് എല്ലാ യാത്രക്കാരും തറയിൽ ഇരിക്കേണ്ടതുണ്ട്.   ക്യാമറാ സംഘത്തെ നയിക്കുമ്പോൾ റഷ് തന്നെ നിലത്തിരിക്കുന്നതായി കാണുന്നു.  അന്തർവാഹിനിയിൽ ഒരു ചെറിയ കുളിമുറി, ഒരൊറ്റ ഓവർഹെഡ് ലൈറ്റ്,  മതിലിൽ കുറച്ച് ലൈറ്റുകൾ, ഒരു ചെറിയ വിൻഡോ എന്നിവ ഉൾപ്പെടുന്നു. 

   ഒരു മുഴുവൻ റൗണ്ട് ട്രിപ്പ് ഒരു ബോട്ടിൽ നിന്ന് പുറപെട്ട നിമിഷം മുതൽ വീണ്ടും ഉയർന്നുവരുന്നതുവരെ ഏകദേശം എട്ട് മണിക്കൂർ നീണ്ടുനിൽക്കും, സാധാരണ സാഹചര്യങ്ങളിൽ, ഈ അവസ്ഥകൾ സഹിക്കാവുന്നതേയുള്ളൂ, പക്ഷെ യാത്രയുടെ ദൈർഘ്യം ഏറും തോറും കാര്യങ്ങൾ ദുഷ്ക്കരമാകും

യുഎസ് കോസ്റ്റ് ഗാർഡ് നല്കിയ വിവരങ്ങൾ അനുസരിച്ച്, ടൈറ്റാനിക് അന്തർവാഹിനിക്ക് വ്യാഴാഴ്ച രാവിലെ 11 മണി വരെ ഓക്സിജന്റെ അളവ്  ആവശ്യമായ അളവിൽ നിലനിർത്താൻ സാധിക്കും.

ഹാമിഷ് ഹാർഡിംഗ്, സ്റ്റോക്ക്‌ടൺ റഷ്, പോൾ-ഹെൻറി നർജിയോലെറ്റ്, ഷഹ്‌സാദ ദാവൂദ്, മകൻ സുലെമാൻ എന്നിവർ അടങ്ങിയ സംഘം കപ്പലിൽ ആഴക്കടലിൽ മുങ്ങുന്നതിനിടയിൽ ആശയവിനിമയം നഷ്ട്ടപെട്ടിട്ട് ഇപ്പോൾ മൂന്ന് ദിവസമായി.വിവിധ രാജ്യങ്ങൾ നടത്തുന്ന തിരച്ചിലും രക്ഷാപ്രവർത്തനങ്ങളും ഇപ്പോഴും തുടരുകയാണ്