തിരുവനന്തപുരം: 2025-ലെ നവരാത്രി ആഘോഷങ്ങളുടെ ഭാഗമായി ദുർഗ്ഗാഷ്ടമി ദിനമായ സെപ്റ്റംബർ 30 (ചൊവ്വാഴ്ച) സംസ്ഥാനത്ത് പൊതുഅവധി പ്രഖ്യാപിച്ചു.
സർക്കാർ, അർദ്ധസർക്കാർ, പൊതുമേഖലാ സ്ഥാപനങ്ങൾ, നെഗോഷ്യബിൾ ഇൻസ്ട്രുമെന്റ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾ, പ്രൊഫഷണൽ കോളേജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമായിരിക്കും.
അതേസമയം, നിയമസഭാ സമ്മേളനം നടക്കുന്നതിനാൽ നിയമസഭാ പ്രവർത്തനവുമായി ബന്ധപ്പെട്ട ഉദ്യോഗസ്ഥർ ചുമതല നിർവ്വഹിക്കണമെന്ന് സർക്കാരിന്റെ നിർദ്ദേശമുണ്ട്. ഓഫീസ് മേധാവികൾ ഇതിന് ആവശ്യമായ ഉറപ്പു വരുത്തണമെന്ന് സർക്കാരിന്റെ പ്രസ്താവനയിൽ വ്യക്തമാക്കി.
