നേമം: 10 വർഷം കൊണ്ട് സംസ്ഥാനത്തെ എല്ലാം ശരിയാക്കുമെന്ന് വാഗ്ദാനം നൽകിയ എൽഡിഎഫ് ഇപ്പോൾ തിരഞ്ഞെടുപ്പ് തന്ത്രങ്ങളുമായി മുന്നോട്ട് വരികയാണെന്ന് രാജീവ് ചന്ദ്രശേഖർ ആരോപിച്ചു. നേമം മണ്ഡലത്തിലെ ബിജെപി സ്ഥാനാർത്ഥിയായ അദ്ദേഹം പ്രചാരണത്തിനിടെ നടത്തിയ പ്രസ്താവനയിലാണ് വിമർശനം ഉയർത്തിയത്.

എൽഡിഎഫ് സ്ഥാനാർത്ഥിയായ വി ശിവൻകുട്ടി, രാജീവെന്ന പേരുള്ള ബ്രാഞ്ച് സെക്രട്ടറിയെ സ്വതന്ത്ര സ്ഥാനാർത്ഥിയായി മത്സരിപ്പിച്ചതും വിജയത്തിനായി സ്വീകരിച്ച തന്ത്രങ്ങളുടെ ഭാഗമാണെന്നും രാജീവ് ചന്ദ്രശേഖർ ആരോപിച്ചു. ഇത്തരം നീക്കങ്ങൾ വോട്ടുകൾ വിഭജിച്ച് എൽഡിഎഫിന് അനുകൂലമായ സാഹചര്യം സൃഷ്ടിക്കാൻ ലക്ഷ്യമിടുന്നതാണെന്നും അദ്ദേഹം കൂട്ടിച്ചേർത്തു.ഇതോടൊപ്പം, തിരഞ്ഞെടുപ്പ് പ്രവർത്തനങ്ങൾക്ക് വേണ്ടി ലേബർ ഡിപ്പാർട്ട്മെന്റിൽ നിന്ന് ഏകദേശം നൂറോളം ആളുകളെ നിയമിച്ചിട്ടുണ്ടെന്നും അദ്ദേഹം ആരോപിച്ചു.

അതേസമയം, ഈ ആരോപണങ്ങൾക്ക് എൽഡിഎഫ് ഭാഗത്ത് നിന്ന് ഔദ്യോഗിക പ്രതികരണം ഇതുവരെ ലഭ്യമായിട്ടില്ല. തിരഞ്ഞെടുപ്പ് ചൂട് കൂടിക്കൊണ്ടിരിക്കെ നേമം മണ്ഡലത്തിൽ ആരോപണ-പ്രതിയാരോപണങ്ങൾ ശക്തമാകുകയാണ്.