ഇന്ത്യയിലെ ദേശീയപാതകളുടെ റൈഡിംഗ് അനുഭവം മെച്ചപ്പെടുത്തുന്നതിനും മികച്ച പരിപാലനം ഉറപ്പാക്കുന്നതിനുമുള്ള ഒരു പ്രധാന ചുവടുവയ്പ്പിൽ, നാഷണൽ ഹൈവേ അതോറിറ്റി ഓഫ് ഇന്ത്യ 23 സംസ്ഥാനങ്ങളിലായി നെറ്റ്‌വർക്ക് സർവേ വാഹനങ്ങൾ (NSV-കൾ) വിന്യസിക്കും . ഡാറ്റാധിഷ്ഠിത ഹൈവേ അറ്റകുറ്റപ്പണികളിൽ ഒരു പ്രധാന കുതിച്ചുചാട്ടം അടയാളപ്പെടുത്തുന്ന ഈ നൂതന സംരംഭം 20,933 കിലോമീറ്ററിലധികം റോഡ് അതിൻറെ പ്രവർത്തനപരിതിക്കുള്ളിൽ ഉൾപ്പെടുത്തും

3D ലേസർ സ്കാനറുകൾ, 360-ഡിഗ്രി ക്യാമറകൾ, ഡിഫറൻഷ്യൽ ജിപിഎസ് , ഇനേർഷ്യൽ മെഷർമെന്റ് യൂണിറ്റുകൾ , ഡിസ്റ്റൻസ് മെഷറിംഗ് ഇൻസ്ട്രുമെന്റ്സ് തുടങ്ങിയ നൂതന സാങ്കേതികവിദ്യകൾ എൻഎസ്വി-കളിൽ സജ്ജീകരിച്ചിരിക്കുന്നു. ഈ സംവിധാനങ്ങൾ റോഡ് അവസ്ഥകളെക്കുറിച്ചുള്ള ഉയർന്ന റെസല്യൂഷൻ ഡാറ്റ സ്വയമേവ ശേഖരിക്കും, ഇത് ഉയർന്ന കൃത്യതയോടെ വിള്ളലുകൾ, കുഴികൾ, ഉപരിതല പാച്ചുകൾ തുടങ്ങിയ വൈകല്യങ്ങൾ തിരിച്ചറിയാൻ സഹായിക്കും.

എൻഎച്ച്എഐ യുടെ അറിയിപ്പ് അനുസരിച്ച്, എൻഎസ്വി -കൾ ശേഖരിക്കുന്ന ഡാറ്റ അതിന്റെ എ ഐ-അധിഷ്ഠിത ഡാറ്റ ലേക്ക് പോർട്ടലിലേക്ക് അപ്‌ലോഡ് ചെയ്യും, അവിടെ വിദഗ്ദ്ധർ അത് വിശകലനം ചെയ്ത് ആവശ്യമായ നടപടികൾ സ്വീകരിക്കും.  ഈ പ്രക്രിയ സമയബന്ധിതമായ തിരുത്തൽ നടപടികൾ പ്രാപ്തമാക്കുകയും അറ്റകുറ്റപ്പണി ആസൂത്രണത്തിനായുള്ള തീരുമാനമെടുക്കൽ മെച്ചപ്പെടുത്തുകയും ചെയ്യും.

യാത്രക്കാർക്ക് സുഗമവും സുരക്ഷിതവുമായ യാത്രാനുഭവങ്ങൾ നൽകുന്നതിന് മാത്രമല്ല, ഇന്ത്യയുടെ വിശാലമായ ഹൈവേ ശൃംഖലയിലുടനീളം  കാര്യക്ഷമത മെച്ചപ്പെടുത്താനും ഈ സംരംഭം സഹായിക്കുമെന്ന് ഉദ്യോഗസ്ഥർ പറഞ്ഞു.