ബ്രസീലിന്റെ സൗത്ത് അമേരിക്ക ലോകകപ്പ് 2026 യോഗ്യതാ മത്സരത്തിൽ ബൊളീവിയയ്‌ക്കെതിരെ നെയ്മർ ജൂനിയർ ചരിത്രം സൃഷ്ടിച്ചു. 31 കാരനായ ഫുട്ബോൾ താരം ബ്രസീലിനായി 77 അന്താരാഷ്ട്ര ഗോളുകൾ എന്ന പെലെയുടെ ഇതിഹാസ റെക്കോർഡ് മറികടന്നു. അഞ്ച് തവണ ഫിഫ ലോകകപ്പ് നേടിയ ചാമ്പ്യൻമാരുടെ എക്കാലത്തെയും മികച്ച സ്‌കോററായി. ബ്രസീലിനായി തന്റെ 125-ാം മത്സരത്തിൽ നെയ്മർ തന്റെ 78-ാം ഗോൾ നേടി ,പെലെയുടെ ദീർഘകാല റെക്കോർഡ് തകർത്ത് ബ്രസീലിന് 5-1 വിജയം ഉറപ്പിച്ചു.

എക്കാലത്തെയും മികച്ച ഫുട്ബോൾ കളിക്കാരിലൊരാളായി പരക്കെ കണക്കാക്കപ്പെടുന്ന പെലെ, ബ്രസീലിനായി 92 മത്സരങ്ങളിൽ നിന്ന് 77 ഗോളുകൾ നേടിയിട്ടുണ്ട്.1958, 1962, 1970 വർഷങ്ങളിൽ മൂന്ന് ഫിഫ ലോകകപ്പ് കിരീടങ്ങൾ നേടിയിട്ടുണ്ട്. അവസാന മത്സരത്തിൽ ബ്രസീലിനായി 77 ഗോളുകൾ നേടിയ പെലെയുടെ റെക്കോഡിനൊപ്പമായിരുന്നു നെയ്മർ.

ബൊളീവിയയ്‌ക്കെതിരായ മത്സരത്തിൽ രണ്ടാം പകുതിയിൽ നെയ്‌മർ രണ്ട് ഗോളുകൾ സംഭാവന ചെയ്തു. നേരത്തെ ലഭിച്ച പെനാൽറ്റി അവസരം നഷ്‌ടപ്പെടുത്തിയെങ്കിലും സ്‌ട്രൈക്കർ തന്റെ ടീമിനെ വിജയത്തിലേക്ക് നയിച്ചു. റോഡ്രിഗോ, റാഫിൻഹ, ബ്രൂണോ ഗുയിമാരേസ് എന്നിവരും ബ്രസീലിന്റെ വിജയത്തിൽ നിർണായക പങ്കുവഹിച്ചു.