ചൊവ്വയിലെ ഭീമാകാരമായ ഒളിമ്പസ് മോൺസ് അഗ്നിപർവ്വതവും ഭൂമിയിലെ  അഗ്നിപർവ്വതങ്ങളും തമ്മിലുള്ള  സമാനതകൾ പുതിയ ഗവേഷണം വെളിച്ചത്ത് കൊണ്ടുവന്നു. ലാവയും ജലവും തമ്മിലുള്ള പ്രവർത്തനമായിരിക്കാം ഈ സാ ദ്രശ്യത്തിന് കാരണമെന്ന് കണ്ടെത്തലുകൾ സൂചിപ്പിക്കുന്നു.  ഒരു സിഎൻആർഎസ് ഗവേഷകന്റെ നേതൃത്വത്തിൽ ജൂലൈ 24-ന് എർത്ത് ആൻഡ് പ്ലാനറ്ററി സയൻസ് ലെറ്റേഴ്‌സിൽ പ്രസിദ്ധീകരിച്ച പഠനം, ചൊവ്വയുടെ  വടക്കൻ ഭാഗത്തുള്ള താഴ്ന്ന പ്രദേശങ്ങളിൽ ഒരു കാലത്ത് ഒരു വലിയ സമുദ്രം ഉണ്ടായിരിക്കാം എന്ന കൗതുകകരമായ അനുമാനത്തെ പിന്തുണയ്ക്കുന്നു.

ഒളിമ്പസ് മോൺസിൽ നിന്ന് 1,500 കിലോമീറ്റർ അകലെയുള്ള ആൽബ മോൺസ് എന്ന ചൊവ്വയിലെ മറ്റൊരു അഗ്നിപർവ്വതവും ഈ ആശയത്തെ പിന്തുണക്കുന്നു. ഈ സ്ഥലങ്ങളിൽ നിന്നുള്ള അഗ്നിപർവ്വത പാറകളുടെ കൃത്യമായ ഡേറ്റിംഗ് ചൊവ്വയുടെ കാലാവസ്ഥാ പരിണാമത്തെക്കുറിച്ച് അമൂല്യമായ ഉൾക്കാഴ്ചകൾ നൽകും.

സൗരയൂഥത്തിലെ ഏറ്റവും വലിയ  അഗ്നിപർവ്വതമായ ഒളിമ്പസ് മോൺസ് ചൊവ്വയിലെ വിസ്മയിപ്പിക്കുന്ന ഭൂമിശാസ്ത്രപരമായ അത്ഭുതമാണ്.  ഏകദേശം 13.6 മൈൽ (22 കിലോമീറ്റർ) ഉയരമുള്ള ഇതിന് എവറസ്റ്റ് കൊടുമുടിയുടെ  മൂന്നിരട്ടി ഉയരമുണ്ട്. ഏകദേശം 370 മൈൽ (600 കിലോമീറ്റർ) വ്യാസമുണ്ട്.

കാൽഡെറ എന്നറിയപ്പെടുന്ന ഒളിമ്പസ് മോൺസിന്റെ  ഗർത്തം ഏകദേശം 50 മൈൽ (80 കിലോമീറ്റർ) വീതിയിൽ പരന്നുകിടക്കുന്നു, കൂടാതെ വിവിധ അഗ്നിപർവ്വത പ്രതിഭാസങ്ങളാൽ രൂപംകൊണ്ട ആറ് ഗർത്തങ്ങൾ ഉൾക്കൊള്ളുന്നു. 

മറ്റ് അഗ്നിപർവ്വതങ്ങൾക്കൊപ്പം ചൊവ്വയിലെ താർസിസ് മോണ്ടെസ് മേഖലയിലാണ് ഒളിമ്പസ് മോൺസ് സ്ഥതി ചെയ്യുന്നത്.  അതിന്റെ കണക്കാക്കിയ പ്രായം ഏകദേശം 200 ദശലക്ഷം വർഷമാണ്, വിവിധ ചൊവ്വ ദൗത്യങ്ങളിൽ നിന്നുള്ള തെളിവുകൾ സൂചിപ്പിക്കുന്നത് അഗ്നിപർവ്വതത്തിൽ നിന്ന് ഏകദേശം 2 ദശലക്ഷം വർഷങ്ങൾക്ക് മുമ്പ് ലാവ ഒഴുകിയെന്നാണ്.  ഈ അഗ്നിപർവ്വത പാറകളെക്കുറിച്ചുള്ള പഠനത്തിന് ഗ്രഹത്തിന്റെ ഭൂമിശാസ്ത്ര ചരിത്രത്തെക്കുറിച്ചും കാലാകാലങ്ങളിൽ ഉണ്ടായ കാലാവസ്ഥാ വ്യതിയാനങ്ങളെക്കുറിച്ചും നിർണായക സൂചനകൾ നൽകാൻ കഴിയും.