പസിഫിക് മഹാസമുദ്രത്തിലെ മനോഹരമായ ദ്വീപ് രാഷ്ട്രമായ പലാവു ഇന്ത്യക്കാരുടെ വിനോദസഞ്ചാരത്തിന് പുതിയ വാതിൽ തുറക്കുന്നു. 2025 ജൂൺ മുതൽ ഇന്ത്യക്കാരക്ക് 30 ദിവസം വരെ വിസയില്ലാതെ പലാവുവിൽ പ്രവേശിക്കാം എന്നതാണ് പുതിയ തീരുമാനം.
പലാവു സർക്കാർ ഈ നീക്കം പ്രഖ്യാപിച്ചത് ടൂറിസം മേഖല ശക്തിപ്പെടുത്താനും ഇന്ത്യയുമായി ബന്ധം മെച്ചപ്പെടുത്താനും ലക്ഷ്യമിട്ടാണ്. വിസയില്ലാത്ത പ്രവേശനം ലഭിക്കുന്നതോടെ ഇന്ത്യക്കാരുടെ യാത്രാ സൗകര്യം വർധിക്കും. ലോകപ്രസിദ്ധമായ ജെല്ലിഫിഷ് തടാകം, ബ്ലൂ കോർണർ പോലുള്ള ഡൈവിംഗ് സൈറ്റുകൾ, പ്രകൃതിദൃശ്യങ്ങൾ, സമുദ്രജീവജാലം എന്നിവയാണ് പലാവുവിന്റെ പ്രധാന ആകർഷണങ്ങൾ.
ഇപ്പോൾ ഇന്ത്യയിൽ നിന്ന് പലാവുവിലേക്ക് നേരിട്ടുള്ള വിമാന സർവീസുകൾ ഇല്ല. എന്നാൽ മനില, തായ്‌പേ, സിയോൾ എന്നിവയിലൂടെ കണക്റ്റിംഗ് ഫ്ലൈറ്റുകൾ ലഭ്യമാണ്. എയർ ഇന്ത്യയുടെ മനിലയിലേക്കുള്ള പുതിയ സർവീസ് ആരംഭിച്ചാൽ യാത്ര കൂടുതൽ എളുപ്പമാകും.
ഇന്ത്യൻ പാസ്‌പോർട്ട് ഉടമകൾക്ക് കൂടുതൽ രാജ്യങ്ങളിൽ വിസയില്ലാതെ യാത്ര ചെയ്യാൻ കഴിയുന്ന സാഹചര്യത്തിൽ, പലാവുവിന്റെ പുതിയ തീരുമാനം യാത്രാസൗകര്യവും സാംസ്കാരിക ബന്ധവും വർധിപ്പിക്കും.
