വത്തിക്കാൻ സിറ്റി— മാർപാപ്പയായി സ്ഥാനമേറ്റതിനു ശേഷമുള്ള തന്റെ ആദ്യ ഞായറാഴ്ച പ്രസംഗത്തിൽ, ലിയോ പതിനാലാമൻ മാർപ്പാപ്പ ഇന്ത്യയും പാകിസ്ഥാനും തമ്മിലുള്ള വെടിനിർത്തൽ കരാറിനെ സ്വാഗതം ചെയ്തു, ഈ മുന്നേറ്റം രണ്ട് ആണവായുധങ്ങളുള്ള അയൽക്കാർക്കിടയിൽ ശാശ്വത സമാധാനത്തിന്റെ തുടക്കമാകുമെന്ന  ശുഭാപ്തിവിശ്വാസം പ്രകടിപ്പിച്ചു.

സെന്റ് പീറ്റേഴ്‌സ് സ്ക്വയറിൽ തടിച്ചുകൂടിയ ആയിരക്കണക്കിന് ആളുകളോട് വത്തിക്കാൻ ബാൽക്കണിയിൽ നിന്ന് സംസാരിച്ച മാർപാപ്പ, വെടിനിർത്തലിനെ “അനുരഞ്ജനത്തിലേക്കുള്ള നിർണായക ചുവടുവയ്പ്പ്” എന്ന് വിളിക്കുകയും “യുദ്ധത്തിന്റെ പാതയെ ചെറുക്കാനും പകരം സംഭാഷണത്തിലും നീതിയിലും അനുരഞ്ജനത്തിലും വേരൂന്നിയ ഒരു ലോകത്തെ വളർത്തിയെടുക്കാനും” ആഗോള ശക്തികളോട് ആഹ്വാനം ചെയ്യുകയും ചെയ്തു.

യുഎസിന്റെ മധ്യസ്ഥതയിൽ നടന്ന ചർച്ചയിൽ മെയ് 10 ന് പ്രാദേശിക സമയം വൈകുന്നേരം 5 മണിക്ക് പ്രാബല്യത്തിൽ വന്ന വെടിനിർത്തൽ,  ഇന്ത്യയും പാകിസ്ഥാനും തങ്ങളുടെ സംഘർഷഭരിതമായ അതിർത്തി പ്രദേശങ്ങളിലെ കര, വ്യോമ, കടൽ മാർഗമുള്ള എല്ലാ സൈനിക നടപടികളും നിർത്താൻ സമ്മതിച്ചു. മണിക്കൂറുകൾക്കുള്ളിൽ കരാർ ലംഘനങ്ങളുടെ പ്രാരംഭ റിപ്പോർട്ടുകൾ പുറത്തു വന്നെങ്കിലും, ഇരുപക്ഷവും സംയമനത്തിനും തുടർ സംഭാഷണത്തിനുമുള്ള പ്രതിബദ്ധത ആവർത്തിച്ചു.