അടിയന്തര സാഹചര്യങ്ങളിലൊഴികെ ട്രെയിൻ ഡ്രൈവർമാരുടെ പരമാവധി ജോലി സമയം 12 മണിക്കൂറിൽ കൂടരുതെന്ന് ഇന്ത്യൻ റെയിൽവേ ബോർഡ് പുതിയ മാർഗ്ഗനിർദ്ദേശങ്ങളിൽ പറയുന്നു.

 ഡ്രൈവർമാർക്ക് മതിയായ വിശ്രമവും ഭക്ഷണ ഇടവേളകളും ഉറപ്പാക്കേണ്ടതിന്റെ പ്രാധാന്യവും മാർഗ്ഗനിർദ്ദേശങ്ങൾ എടുത്തുകാണിക്കുന്നു.

 മാർഗ്ഗനിർദ്ദേശങ്ങൾ അനുസരിച്ച്, തുടർച്ചയായുള്ള ഓട്ടം ഒമ്പത് മണിക്കൂറിൽ കൂടുതലാകരുത്. റെയിൽവേ അഡ്മിനിസ്ട്രേഷൻ ഒമ്പത് മണിക്കൂർ കഴിഞ്ഞ് കുറഞ്ഞത് രണ്ട് മണിക്കൂർ മുൻകൂട്ടി അറിയിപ്പ് നൽകിയാൽ, ഓട്ടം ഒമ്പത് മണിക്കൂറിൽ കൂടുതൽ നേരം തുടരാം. എന്നാൽ, ‘സൈൻ ഓൺ’ മുതൽ ‘സൈൻ ഓഫ്’ വരെയുള്ള ആകെ ജോലി സമയം 11 മണിക്കൂറിൽ കൂടുതലാകരുത്.

 11 മണിക്കൂറിനുള്ളിൽ ട്രെയിൻ അതിന്റെ ലക്ഷ്യസ്ഥാനത്ത് എത്തിയില്ലെങ്കിൽ, അല്ലെങ്കിൽ സാധാരണ ക്രൂ മാറുന്ന സ്ഥലത്തോ റിലീവറെ ക്രമീകരിച്ചിരിക്കുന്ന സ്ഥലത്തോ എത്തിച്ചേരാനാകാത്ത സാഹചര്യത്തിൽ, അത്തരം ഒരു പോയിന്റ് ഏകദേശം ഒരു മണിക്കൂർ യാത്ര അകലെയാണെങ്കിൽ, റണ്ണിംഗ് സ്റ്റാഫ്  ആ യാത്രയിലെ പരമാവധി സമയം 12 മണിക്കൂറിൽ കവിയുന്നില്ലെങ്കിൽ ആ ഘട്ടത്തിൽ പ്രവർത്തിക്കേണ്ടതുണ്ട്.

 “ദൈവത്തിന്റെ പ്രവൃത്തികൾ, ഭൂകമ്പങ്ങൾ, അപകടങ്ങൾ, വെള്ളപ്പൊക്കം, പ്രക്ഷോഭങ്ങൾ, ഉപകരണങ്ങളുടെ തകരാറുകൾ തുടങ്ങിയ അടിയന്തര സാഹചര്യങ്ങളിൽ,  പരിധിക്കപ്പുറം ജോലി ചെയ്യേണ്ടിവരുമെന്ന് കൺട്രോളർ ജീവനക്കാരെ ഉചിതമായി ഉപദേശിക്കണം” എന്നും ബോർഡ് പറഞ്ഞു.

ഇന്ത്യൻ റെയിൽവേ ലോക്കോ റണ്ണിംഗ്‌മെൻ ഓർഗനൈസേഷൻ (ഐആർഎൽആർഒ) ഉച്ചഭക്ഷണ ഇടവേളയ്ക്കുള്ള വ്യവസ്ഥകളുടെ അഭാവത്തെക്കുറിച്ചും ഡ്രൈവർമാർ അമിതമായി ജോലി ചെയ്യാനുള്ള സാധ്യതയെക്കുറിച്ചും ആശങ്ക ഉന്നയിച്ചിട്ടുണ്ട്.

ജീവനക്കാരെ ഡ്യൂട്ടിയിൽ നിന്ന് റിലീവ് ചെയ്യുന്നതിനും അവരുടെ സുരക്ഷ നിലനിർത്തുന്നതിനുമുള്ള വ്യക്തമായ മാർഗ്ഗനിർദ്ദേശങ്ങൾക്കായി ഐആർഎൽആർഒ ആവശ്യപ്പെട്ടിട്ടുണ്ട്.12 മണിക്കൂർ ജോലി സമയത്തിനിടയിൽ  ഡ്രൈവർമാർ പല സാഹചര്യങ്ങളിലും 12 മണിക്കൂറിൽ കൂടുതൽ ജോലി ചെയ്യണ്ടി വരാറുണ്ടെന്നും ‘ അമിതമായി ജോലി ചെയ്യണ്ടി വന്നതിനാൽ  മാത്രം പല അപകടങ്ങളും സംഭവിച്ചിട്ടുണ്ടെന്നും സംഘടന വക്താവ് പറഞ്ഞു.