വിശാഖപട്ടണം: ഈസ്റ്റ് കോസ്റ്റ് റെയിൽവേ സോണിൽ നിന്നുള്ള ഏഴ് റെയിൽവേ സ്റ്റേഷനുകൾ വിശാഖപട്ടണത്തെ ആസ്ഥാനമായി പ്രവർത്തിക്കുന്ന സൗത്ത് കോസ്റ്റ് റെയിൽവേ സോണിലേക്ക് മാറ്റിയതായിസിവിൽ ഏവിയേഷൻ മന്ത്രി റാം മോഹൻ നായിഡു അറിയിച്ചു,
റെയിൽവേ ബോർഡ് പുറപ്പെടുവിച്ച ഉത്തരവിന്റെ അടിസ്ഥാനത്തിലാണ് ഈ നടപടി സ്വീകരിച്ചതെന്ന് അദ്ദേഹം വ്യക്തമാക്കി. ഈ സ്റ്റേഷനുകൾ ഇച്ചാപുരം മുതൽ പാലാസ വരെ സ്ഥിതി ചെയ്യുന്നതും ഖുർദ ഡിവിഷന്റെ പരിധിയിലുമാണ്.
സോഷ്യൽ മീഡിയയിലൂടെ പ്രതികരിച്ച മന്ത്രി, ഈ തീരുമാനം ശ്രീകാകുളം ജില്ലയിലെ ജനങ്ങളുടെ ദീർഘകാല ആവശ്യത്തിനുള്ള മറുപടിയാണെന്ന് പറഞ്ഞു. പ്രധാനമന്ത്രി നരേന്ദ്ര മോദി, റെയിൽവേ മന്ത്രി അശ്വിനി വൈഷ്ണവ്, കൂടാതെ റെയിൽവേ ബോർഡിനും ആവശ്യങ്ങൾ പരിഗണിച്ച് ഉത്തരവുകൾ പുറപ്പെടുവിച്ചതിന് നന്ദി രേഖപ്പെടുത്തി.
ഈ മാറ്റം പുതിയ സൗത്ത് കോസ്റ്റ് റെയിൽവേ സോണിന്റെ കീഴിൽ പ്രദേശത്തെ റെയിൽവേ സേവനങ്ങളും ഭരണ സംവിധാനവും കൂടുതൽ കാര്യക്ഷമമാക്കുമെന്ന് പ്രതീക്ഷിക്കുന്നു.
