ഒരു പ്രമുഖ വാര്‍ത്താ പോര്‍ട്ടലായ പിങ്ക്വില്ല റിപ്പോർട്ട് അനുസരിച്ച്, ഈ വര്‍ഷാവസാനത്തോടെ ഷാരൂഖ് ഖാന്‍ “പഠാന്‍ 2” ചിത്രീകരണത്തിന് തുടക്കം കുറിക്കാനൊരുങ്ങുന്നു. 2023 ജനുവരിയിലാണ് സിദ്ധാര്‍ഥ് ആനന്ദ് സംവിധാനം ചെയ്ത ആക്ഷന്‍ ത്രില്ലര്‍ ചിത്രമായ “പഠാന്‍” റിലീസ് ചെയ്തത്. ചിത്രത്തിലെ മികച്ച പ്രകടനത്തിന് പുറമേ, ബോക്‌സ് ഓഫീസ് കളക്ഷനിലും മികച്ച നേട്ടം കൈവരിച്ച “പഠാന്‍,” ഏക് താ ടൈഗർ, ടൈഗർ സിന്ദാ ഹേ, വാർ, ടൈഗർ 3 എന്നിവ ഉൾപ്പെടുന്ന സ്പൈ യൂണിവേഴ്‌സിലെ എട്ടാമത്തെ ചിത്രമാണ്
റിപ്പോര്‍ട്ടുകള്‍ അനുസരിച്ച്, ആദിത്യ ചോപ്രയും ഷാരൂഖ് ഖാനും ഡിസംബർ മാസത്തോടെ ചിത്രീകരണത്തിന് ആരംഭം കുറിക്കാനുള്ള ചര്‍ച്ചകളിലാണ്. എന്നിരുന്നാലും, വേനകാലത്തോടെ ചിത്രീകരണത്തിന് തുടക്കം കുറിക്കുമെന്നും ചില റിപ്പോര്‍ട്ടുകളുണ്ട്. ചിത്രത്തിന്റെ റിലീസ് തീയതി ഇപ്പോഴും പ്രഖ്യാപിക്കപ്പെട്ടിട്ടില്ല, എന്നാല്‍ റിപ്പോര്‍ട്ടുകള്‍ സൂചിപ്പിക്കുന്നത് 2025 അവസാനത്തോടെയോ 2026 മധ്യത്തോടെയോ ചിത്രം റിലീസ് ചെയ്യപ്പെടാനുള്ള സാധ്യതയുണ്ട്.
“പഠാന്‍ 2” ന്റെ കഥാപശ്ചത്തത്തെക്കുറിച്ചോ കൂടുതൽ വിവരങ്ങളോ ഇത് വരെ പുറത്തുവിട്ടിട്ടില്ല. എന്നിരുന്നാലും, ആക്ഷന്‍ സീക്വന്‍സുകള്‍ക്കും ത്രില്ലര്‍ ഘടകങ്ങള്‍ക്കും പ്രാധാന്യം നൽകിയാണ് ചിത്രം ഒരുക്കുന്നതെന്നാണ് സൂചനകൾ. ഷാരൂഖ് ഖാന്റെ ആരാധകര്‍ ആവേശത്തോടെയാണ് “പഠാന്‍ 2” ന്റെ വരവ് കാത്തിരിക്കുന്നത്.
