തിരുവനന്തപുരം: സംസ്ഥാനത്തെ പ്രമുഖ പൊതുമേഖലാ വ്യവസായ സ്ഥാപനമായ സ്റ്റീൽ ആൻഡ് ഇൻഡസ്ട്രിയൽ ഫോർജിങ്‌സ്‌ ലിമിറ്റഡ് (എസ്‌.ഐ.എഫ്‌.എൽ) കമ്പനി ചരിത്രത്തിലെ ഏറ്റവും വലിയ കരാർ നേടിയെടുത്തതിനു പിന്നാലെ വീണ്ടും പുതിയ നേട്ടങ്ങളിലൂടെ മുന്നേറുകയാണ്. സ്ഥാപനം രൂപീകരിച്ച ശേഷമുള്ള ഏറ്റവുമുയർന്ന വിറ്റുവരവും ലാഭവും 2024-25 സാമ്പത്തികവർഷം എസ്‌.ഐ.എഫ്‌.എൽ നേടിയതായി വ്യവസായ മന്ത്രി പി. രാജീവ് അറിയിച്ചു.
2023-24 സാമ്പത്തികവർഷത്തെ അപേക്ഷിച്ച് കമ്പനിയുടെയേറ്റാദായത്തിൽ 155 ശതമാനമാണ് വർധനയുണ്ടായത്. തുടര്‍ച്ചയായി അഞ്ചാം വർഷവുമാണ് എസ്‌.ഐ.എഫ്‌.എൽ ലാഭത്തിലേക്ക് വളരുന്നത്. 2024-25 വർഷത്തിലെ വിറ്റുവരവ് 76.05 കോടി രൂപയാണ്.
ഡിഫൻസ്, ഏറോസ്പേസ്, ഓയിൽ ആൻഡ് ഗ്യാസ്, ഓട്ടോമൊബൈൽ, റെയിൽവേ തുടങ്ങി വിവിധ മേഖലകൾക്ക് ആവശ്യമായ ഉയർന്ന നിലവാരമുള്ള ഫോർജിങ് ഉൽപ്പന്നങ്ങൾ ഒരുക്കുന്നതിൽ എസ്ഐഎഫ്എൽ അതുല്യമാണ്. ബഹിരാകാശ ദൗത്യങ്ങളായ ചാന്ദ്രയാൻ, ആദിത്യ എൽ1 എന്നിവയ്ക്കായി നിർണായക ഘട്ടങ്ങളിലേക്കുള്ള ഫോർജിങ് ഉപകരണങ്ങൾ നിർമ്മിച്ചത് എസ്‌.ഐ.എഫ്‌.എൽ ആയിരുന്നു.
“2024-25 സാമ്പത്തികവർഷത്തിൽ 100 കോടി രൂപയുടെ വിറ്റുവരവ് കൈവരിക്കാൻ ലക്ഷ്യമിട്ടുള്ള പദ്ധതികളുമായി കമ്പനി മുന്നേറുന്നു,” വ്യവസായ മന്ത്രി പറഞ്ഞു.
സ്ഥിരതയും വളർച്ചയും കൈവരിച്ച എസ്‌.ഐ.എഫ്‌.എൽയുടെ ഈ നേട്ടം സംസ്ഥാനത്തിന്റെ വ്യവസായ മേഖലയ്ക്ക് അഭിമാനകരമായ വളർച്ചാമാർഗമാണ്.
