എറണാകുളം: കേരളം, തമിഴ്‌നാട്, കർണാടക എന്നിവിടങ്ങളിലെ ഉത്സവ സീസണിലെ യാത്രക്കാരുടെ തിരക്ക് നിയന്ത്രിക്കുന്നതിനായി ദക്ഷിണ റെയിൽവേ പ്രത്യേക ട്രെയിനുകളുടെ ഒരു പരമ്പര പ്രഖ്യാപിച്ചു. വിവിധ  ക്ലാസുകളുള്ള എക്‌സ്പ്രസ്, സൂപ്പർഫാസ്റ്റ് സ്‌പെഷ്യലുകൾ ഇതിൽ ഉൾപ്പെടുന്നു.

എറണാകുളം – യെലഹങ്ക സ്‌പെഷ്യൽ

ട്രെയിൻ നമ്പർ 06147 എറണാകുളം – യെലഹങ്ക എക്‌സ്പ്രസ് സ്‌പെഷ്യൽ, 2025 ഡിസംബർ 7 ഞായറാഴ്ച 4:20 ന് എറണാകുളത്ത് നിന്ന് പുറപ്പെട്ട് അടുത്ത ദിവസം 08:30 ന് യെലഹങ്കയിൽ എത്തിച്ചേരും.

പാലക്കാട്, പോത്തനൂർ, തിരുപ്പൂർ, ഈറോഡ്, സേലം, ബംഗാർപേട്ട്, വൈറ്റ്ഫീൽഡ്, കൃഷ്ണരാജപുരം വഴി പോകുന്ന ട്രെയിൻ 2AC, 3AC, 3AC ഇക്കണോമി, സ്ലീപ്പർ ക്ലാസ്  സൗകര്യങ്ങളോടെ സർവീസ് നടത്തും.

മടക്കയാത്രയിൽ, ട്രെയിൻ നമ്പർ 06148 യെലഹങ്ക – എറണാകുളം സ്പെഷ്യൽ 2025 ഡിസംബർ 8 ന് രാവിലെ 10:00 മണിക്ക് യെലഹങ്കയിൽ നിന്ന് പുറപ്പെട്ട് അതേ ദിവസം രാത്രി 22:15 ന് എറണാകുളത്ത് എത്തിച്ചേരും.

നാഗർകോവിൽ – താംബരം സൂപ്പർ ഫാസ്റ്റ് സ്പെഷ്യൽ

ട്രെയിൻ നമ്പർ 06012 നാഗർകോവിൽ ജംഗ്ഷൻ – താംബരം സൂപ്പർഫാസ്റ്റ് സ്പെഷ്യൽ നാഗർകോവിൽ ജംഗ്ഷനിൽ നിന്ന് 07.12.2025 ന് രാത്രി 23:15 ന് പുറപ്പെടും.

മടക്കയാത്ര, ട്രെയിൻ നമ്പർ 06012 താംബരം – നാഗർകോവിൽ ജംഗ്ഷൻ എസ്എഫ് സ്പെഷ്യൽ 08.12.2025 ന് ഉച്ചയ്ക്ക് 3:30 ന് താംബരത്ത് നിന്ന് പുറപ്പെടും.

തിരുവനന്തപുരം നോർത്ത് – ചെന്നൈ എഗ്മോർ സ്പെഷ്യൽ

കേരളത്തിനും ചെന്നൈയ്ക്കുമിടയിൽ മറ്റൊരു രണ്ട് സ്പെഷ്യൽ ട്രെയിനുകൾ സർവീസ് നടത്തും:

ട്രെയിൻ നമ്പർ 06108 തിരുവനന്തപുരം നോർത്ത് – ചെന്നൈ എഗ്മോർ സ്പെഷ്യൽ 07.12.2025 ന് ഉച്ചയ്ക്ക് 3:45 ന് തിരുവനന്തപുരം നോർത്തിൽ നിന്ന് പുറപ്പെടും.

ട്രെയിൻ നമ്പർ 06107 ചെന്നൈ എഗ്മോർ – തിരുവനന്തപുരം നോർത്ത് സ്പെഷ്യൽ 08.12.2025 ന് ഉച്ചയ്ക്ക് 1:50 ന് ചെന്നൈ എഗ്മോറിൽ നിന്ന് പുറപ്പെടും.

യാത്രക്കാർക്ക് യാത്ര ആരംഭിക്കുന്നതിന് മുമ്പ് ഔദ്യോഗിക ചാനലുകൾ വഴി സമയക്രമവും ബുക്കിംഗ് ലഭ്യതയും പരിശോധിക്കാൻ റെയിൽവേ അധികൃതർ നിർദ്ദേശിച്ചു.