ഈ വർഷത്തെ എസ്എസ്എൽസി പരീക്ഷകൾ മാർച്ച് ഒമ്പതിന് ആരംഭിക്കുമെന്ന് കേരള വിദ്യാഭ്യാസ മന്ത്രി വി ശിവൻകുട്ടി അറിയിച്ചു.

എസ്എസ്എൽസി പരീക്ഷയുടെ ഉത്തരക്കടലാസുകളുടെ മൂല്യനിർണ്ണയം 70 ക്യാമ്പുകളിലായി 2023 ഏപ്രിൽ 3 മുതൽ ആരംഭിക്കും. ഏപ്രിൽ 26-നകം നടപടികൾ പൂർത്തിയാക്കാൻ ക്രമീകരണം ചെയ്തിട്ടുണ്ടെന്നും മന്ത്രി പറഞ്ഞു.

ഒന്നും രണ്ടും വർഷ ഹയർസെക്കൻഡറി പരീക്ഷകൾ മാർച്ച് 10 ന് ആരംഭിച്ച് 30 ന് അവസാനിക്കുമെന്നും മന്ത്രി അറിയിച്ചു.

ഒന്നും രണ്ടും വർഷങ്ങളിലെ വൊക്കേഷണൽ ഹയർ സെക്കൻഡറി പരീക്ഷകൾ മാർച്ച് 10ന് ആരംഭിച്ച് 2023 മാർച്ച് 30ന് അവസാനിക്കുമെന്നും മന്ത്രി കൂട്ടിച്ചേർത്തു.