തിരുവനന്തപുരം: വെളിച്ചെണ്ണയുടെ വില തുടർച്ചയായി ഉയരുന്ന സാഹചര്യത്തിൽ, ഉപഭോക്താക്കൾക്ക് ആശ്വാസം നൽകുന്നതിനായി സപ്ലൈകോ ‘കേര’ വെളിച്ചെണ്ണയുടെ വാങ്ങൽ പരിധി ഉയർത്തി. ഇതുവരെ ഒരു ലിറ്റർ മാത്രമേ അനുവദിച്ചിരുന്നുള്ളു, എന്നാൽ ഇനി 2 ലിറ്റർ വരെ ലഭ്യമാകും.
പരമാവധി വിൽപ്പന വില 529 രൂപയായ ഒരു ലിറ്റർ ‘കേര’ വെളിച്ചെണ്ണ സപ്ലൈകോയിൽ 457 രൂപയ്ക്കാണ് വിൽക്കുന്നത്. ഈ സൗകര്യം, സബ്‌സിഡി നിരക്കിൽ ലഭിക്കുന്ന ഒരു ലിറ്റർ വെളിച്ചെണ്ണക്കും സബ്‌സിഡി ഇല്ലാതെ ലഭിക്കുന്ന ‘ശബരി’ വെളിച്ചെണ്ണയ്ക്കും പുറമേയാണ്.
സപ്ലൈകോയുടെ സ്വന്തം ബ്രാൻഡായ ‘ശബരി’ വെളിച്ചെണ്ണ കാർഡുടമകൾക്ക് സബ്‌സിഡി നിരക്കിൽ 349 രൂപയ്ക്കാണ് ലഭ്യമാക്കുന്നത്. വില വർധനവിന്റെ ആഘാതം കുറയ്ക്കാൻ ലക്ഷ്യമിട്ടുള്ള ഈ തീരുമാനം, പൊതുജനങ്ങൾക്ക് വലിയ ആശ്വാസമാകുമെന്ന് അധികൃതർ അറിയിച്ചു.
