തിരുവനന്തപുരം: കെൽട്രോണുമായി ചേർന്ന് കേരള സർക്കാർ സ്ഥാപിച്ച ആർട്ടിഫിഷ്യൽ ഇന്റലിജൻസ് (എഐ) ക്യാമറകൾ തിങ്കളാഴ്ച മുതൽ പ്രവർത്തനമാരംഭിക്കും.
ജൂൺ അഞ്ച് മുതൽ ഗതാഗത നിയമ ലംഘകർക്ക് പിഴ ചുമത്തും.
സംസ്ഥാന മോട്ടോർ വാഹന വകുപ്പ് കെൽട്രോണുമായി സഹകരിച്ച് ക്യാമറകൾ സ്ഥാപിച്ചിട്ട് ഏറെ നാൾ കഴിഞ്ഞെങ്കിലും തിങ്കളാഴ്ച മുതൽ പൂർണതോതിൽ പ്രവർത്തനം തുടങ്ങും.
കേന്ദ്ര റോഡ് ഗതാഗത മന്ത്രാലയത്തിന്റെ ഇന്റലിജന്റ് ട്രാഫിക് മാനേജ്‌മെന്റ് സിസ്റ്റം (ഐടിഎംഎസ്) ഉപയോഗിച്ചാണ് പിഴ ഈടാക്കുക.
സീറ്റ് ബെൽറ്റ് ധരിക്കാതിരിക്കുക, ഹെൽമറ്റ് ധരിക്കാതിരിക്കുക, വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുക, ഇരുചക്രവാഹനത്തിൽ ട്രിപ്പിൾ റൈഡ് ചെയ്യുക തുടങ്ങിയ ട്രാഫിക് നിയമലംഘനങ്ങളുടെ ചിത്രങ്ങൾ ക്യാമറകൾ പകർത്തും.
