മലയാള സിനിമയിലെ സൂപ്പർതാരം മോഹൻലാലിന്റെ മകൾ വിസ്മയ മോഹൻലാൽ സിനിമയിൽ നായികയായി അരങ്ങേറ്റം കുറിക്കുന്നു. ആശിർവാദ് സിനിമാസിന്റെ 37-ാം ചിത്രമായ “തുടക്കം” എന്ന ചിത്രത്തിലൂടെയാണ് വിസ്മയയുടെ അഭിനയപ്രവേശം. “2018” എന്ന ഹിറ്റ് സിനിമയ്ക്ക് ശേഷം ജൂഡ് ആന്തണി ജോസഫ് സംവിധാനം ചെയ്യുന്ന പുതിയ ചിത്രമാണ് ഇത്. ചിത്രത്തിന്റെ ടൈറ്റിൽ പോസ്റ്റർ മോഹൻലാൽ തന്നെ സാമൂഹ്യ മാധ്യമങ്ങളിൽ പുറത്തിറക്കി, ആരാധകർക്ക് സന്തോഷം പകർന്നു
വിസ്മയയുടെ സഹോദരൻ പ്രണവ് മോഹൻലാൽ സിനിമയിൽ സജീവമായതിനു ശേഷം, മോഹൻലാൽ കുടുംബത്തിലെ അടുത്ത തലമുറയും മലയാള സിനിമയിൽ സജീവമാകുകയാണ്. എഴുത്തുകാരിയും ചിത്രകാരിയുമായ വിസ്മയ “ഗ്രെയിൻസ് ഓഫ് സ്റ്റാർഡസ്റ്റ്” എന്ന ഇംഗ്ലീഷ് കവിതാസമാഹാരം എഴുതിയിട്ടുണ്ട്. തായ് ആയോധനകലയിൽ പരിശീലനം നേടിയിട്ടുള്ളതും, സാമൂഹ്യ മാധ്യമങ്ങളിൽ വിഡിയോ പങ്കുവച്ചിട്ടുമുണ്ട്.
ചിത്രത്തിൽ ആശിർവാദ് സിനിമാസിന്റെ ഉടമ ആന്റണി പെരുമ്പാവൂരിന്റെ മകൻ ആശിഷ് ആന്റണിയും പ്രധാന വേഷത്തിൽ എത്തുന്നുണ്ട്. സിനിമയുടെ മറ്റ് അണിയറപ്രവർത്തകരെയും കഥയുടെ വിശദാംശങ്ങളെയും കുറിച്ച് ഔദ്യോഗിക പ്രഖ്യാപനം ഉടൻ പ്രതീക്ഷിക്കാം
