സംസ്ഥാനത്തെ ചില മുതിർന്ന ഐപിഎസ് ഉദ്യോഗസ്ഥർക്കെതിരെ ഭരണകക്ഷിയായ എൽഡിഎഫ് എംഎൽഎ പി വി അൻവർ ഉന്നയിച്ച ഗുരുതരമായ ആരോപണങ്ങളിൽ ഉന്നതതല അന്വേഷണം നടത്തുമെന്ന് മുഖ്യമന്ത്രി പിണറായി വിജയൻ തിങ്കളാഴ്ച പ്രഖ്യാപിച്ചു.
സംസ്ഥാനത്തെ രാഷ്ട്രീയ-ഉദ്യോഗസ്ഥ വൃത്തങ്ങളിൽ വൻ ചലനമുണ്ടാക്കിയ എംഎൽഎയുടെ ഗുരുതരമായ ആരോപണങ്ങൾക്ക് മറുപടിയായാണ് പ്രഖ്യാപനം. ഈ പ്രശ്നങ്ങൾ സർക്കാർ അതീവ ഗൗരവത്തോടെ കൈകാര്യം ചെയ്യുമെന്നും പോലീസ് സേനയിലെ അച്ചടക്കലംഘനം വെച്ചുപൊറുപ്പിക്കില്ലെന്നും മഖ്യമന്ത്രി പറഞ്ഞു.പ്രശ്നങ്ങളുടെ ഉറവിടം പരിഗണിക്കാതെ തന്നെ അവരുടെ മെറിറ്റിൻ്റെ അടിസ്ഥാനത്തിൽ സർക്കാർ എല്ലായ്പ്പോഴും പ്രശ്നങ്ങൾ പരിശോധിച്ചിട്ടുണ്ടെന്നും മുഖ്യമന്ത്രി വ്യക്തമാക്കി.
