പ്രപഞ്ചം സ്രഷ്ടിക്കപെട്ടത് ഒരു മഹാവിസ്ഫോടനത്തിന് (Big Bang)ശേഷമെന്ന ദീർഘകാല വിശ്വാസത്തെ വെല്ലുവിളിക്കുകയും ,പകരം രണ്ട് വ്യത്യസ്തമായ കോസ്മിക് സ്ഫോടനങ്ങളുടെ ഫലമായാണ് പ്രപഞ്ച സൃഷ്ടിക്കപെട്ടതെന്ന പുതിയ സിദ്ധാന്തം ഉയർന്നു വരുന്നിരിക്കുന്നു. ഈയിടെ ഒരു പേപ്പറിൽ അവതരിപ്പിച്ച ഞെട്ടിപ്പിക്കുന്ന വെളിപ്പെടുത്തൽ സൂചിപ്പിക്കുന്നത്, നമ്മുടെ പ്രപഞ്ചം രണ്ട് വ്യത്യസ്ത സംഭവങ്ങളിൽ നിന്ന് ഉത്ഭവിച്ചിരിക്കാമെന്ന് സൂചിപ്പിക്കുന്നു. ഒന്ന് സാധാരണ ദ്രവ്യത്തിനും (Ordinary matter)മറ്റൊന്ന് നമ്മുടെ പ്രപഞ്ചത്തിൽ വ്യാപകമാക നിഗൂഢമായ ഇരുണ്ട ദ്രവ്യത്തിനും (Dark matter )കാരണമായി.

 പതിറ്റാണ്ടുകളായി, പ്രപഞ്ചത്തിന്റെ  ഏകദേശം 27% വരുന്ന ഒരു അദൃശ്യ പദാർത്ഥമായ ഇരുണ്ട ദ്രവ്യം   ശാസ്ത്രജ്ഞരെ കുഴക്കുന്നു, പക്ഷേ പരമ്പരാഗത മാർഗങ്ങളിലൂടെ അത് കണ്ടെത്താനായിട്ടില്ല. അതിന്റെ യഥാർത്ഥ സ്വഭാവം നിഗൂഢതയിൽ മറഞ്ഞിരിക്കുന്നു.

 നിർദ്ദിഷ്ട രണ്ട് മഹാവിസ്ഫോടന സിദ്ധാന്തം ഇരുണ്ട ദ്രവ്യത്തിന്റെ നിലനിൽപ്പിന് സാധ്യതയുള്ള ഒരു വിശദീകരണം നൽകുന്നു.പ്രാരംഭ മഹാവിസ്ഫോടനത്തിന് ശേഷം എപ്പോഴോ സംഭവിച്ച ഒരു  പ്രപഞ്ച പ്രതിഭാസത്തിൽ നിന്നാണ് ഇരുണ്ട ദ്രവ്യം സൃഷ്ടിക്കപെട്ടതെന്ന് കരുതുന്നു.”ഡാർക്ക് വാക്വം എനർജി” എന്ന് വിളിക്കപ്പെടുന്ന ഊർജ്ജത്താൽ ഉണ്ടായ ദ്വിതീയ സ്ഫോടനം ധാരാളം ഇരുണ്ട ദ്രവ്യ കണങ്ങളെ ഉൽപ്പാദിപ്പിച്ചു എന്ന്  കരുതുന്നു.

 പ്രപഞ്ചത്തിന്റെ ഉത്ഭവത്തെയും പരിണാമത്തെയും കുറിച്ചുള്ള നമ്മുടെ ധാരണയെ അടിസ്ഥാനപരമായി മാറ്റിമറിക്കുന്ന ഈ പുതിയ സിദ്ധാന്തത്തിന്റെ പ്രത്യാഘാതങ്ങൾ വളരെ വലുതാണ്.  ശരിയാണെന്ന് തെളിയിക്കപ്പെട്ടാൽ, അത് നമ്മുടെ പ്രപഞ്ച വിവരണത്തിൽ വിപ്ലവം സൃഷ്ടിക്കും, നമ്മുടെ പ്രപഞ്ചത്തിന്റെ കൂടുതൽ  സങ്കീർണ്ണമായ ചരിത്രം വെളിപ്പെടുത്തും.