സാഞ്ചി, മധ്യപ്രദേശ് – രണ്ട് ദിവസത്തെ മഹാബോധി മഹോത്സവം ആരംഭിച്ചതിനാൽ യുനെസ്‌കോയുടെ ലോക പൈതൃക സ്ഥലമായ സാഞ്ചിയിലെ ചരിത്രപരമായ വലിയ സ്തൂപം  ആത്മീയവും സാംസ്‌കാരികവുമായ ആഘോഷങ്ങളുടെ കേന്ദ്രമായി മാറി.  ജംബുദ്വീപ് പാർക്കിൽ നടക്കുന്ന ഉത്സവം ഭഗവാൻ ബുദ്ധൻ്റെയും ശിഷ്യന്മാരുടെയും പ്രബോധനങ്ങളും പൈതൃകവും ആദരിക്കുന്നതിന് ലക്ഷ്യമിടുന്നു.

ഇന്ന് വൈകിട്ട് ജംബുദ്വീപ് പാർക്കിൽ  ഫെസ്റ്റിവൽ ന്യൂനപക്ഷകാര്യ മന്ത്രി കിരൺ റിജിജു ഉദ്ഘാടനം ചെയ്യും.നാളെ, ശ്രീ. റിജിജു ഭഗവാൻ ബുദ്ധൻ്റെ രണ്ട് പ്രധാന ശിഷ്യൻമാരായ സാരിപുത്രൻ്റെയും മൗദ്ഗല്യായനൻ്റെയും അവശിഷ്ടങ്ങളുടെ ആചാരപരമായ ആരാധനയിൽ പങ്കെടുക്കും.  വലിയ സ്തൂപത്തിൽ സൂക്ഷിച്ചിരിക്കുന്ന അവശിഷ്ടങ്ങൾ ലോകമെമ്പാടുമുള്ള ഭക്തരെയും പണ്ഡിതന്മാരെയും ആകർഷിക്കുന്നു.

മഹാബോധി മഹോത്സവത്തിൽ വൈവിധ്യമാർന്ന സാംസ്കാരിക പരിപാടികൾ, ധ്യാന സെഷനുകൾ, ബുദ്ധമത പ്രബോധനങ്ങളെ കുറിച്ചുള്ള പ്രഭാഷണങ്ങൾ എന്നിവ ഉൾപ്പെടുന്നു. ബിസി മൂന്നാം നൂറ്റാണ്ട് മുതൽ ബുദ്ധ കലയുടെയും വാസ്തുവിദ്യയുടെയും വിളക്കുമാടമായിരുന്ന സാഞ്ചിയുടെ നിലനിൽക്കുന്ന ആത്മീയ പ്രസക്തിയെ ഈ ആഘോഷങ്ങൾ  എടുത്തു കാട്ടുന്നു.