അന്റാർട്ടിക്കയിലെ ഫിൽച്ചർ-റോണെ ഐസ് ഷെൽഫിൽ നിന്ന് 1986-ൽ വേർപ്പെട്ട A23a ഐസ്ബർഗ്, വെഡെൽ സമുദ്രത്തിൽ  30 വർഷത്തിലധികം നിലയുറപ്പിച്ചതിനു ശേഷം  പുതിയൊരു യാത്രക്ക് തുടക്കം കുറിച്ചിരിക്കുകയാണ്. ഇപ്പോൾ സൗത്ത് ഓഷ്യൻ വഴി വടക്കോട്ട് സഞ്ചരിക്കുമ്പോൾ, ഈ ഐസ്ബർഗിന്റെ ചലനങ്ങൾ ശാസ്ത്രജ്ഞർ അതീവ ശ്രദ്ധയോടെ നിരീക്ഷിക്കുന്നു.

വെഡെൽ സമുദ്രത്തിൽ ദീർഘകാലം നിലയുറപ്പിച്ചിരുന്ന A23a, സമുദ്രമേഖലയുടെ ഇക്കോസിസ്റ്റങ്ങളുമായി ഇടപെടുകയും സമുദ്രജല പ്രവാഹത്തെ സ്വാധീനിക്കുകയും ചെയ്തു.

2020-ൽ, ഈ ഐസ്ബർഗ് ആദ്യമായി ചലനസൂചനകൾ കാണിച്ചുവെങ്കിലും,ടെയ്ലർ കോളം എന്ന അപൂർവമായ സമുദ്രശാസ്ത്ര പ്രതിഭാസത്തിൽ കുടുങ്ങുകയായിരുന്നു.
സമുദ്രനിരപ്പിലെ പാറയിടുങ്ങലുകൾ സൃഷ്ടിക്കുന്ന വലയം ഈ ഐസ്ബർഗിനെ മാസങ്ങളോളം പിടിച്ചുനിർത്തി. ഈ കാലയളവിൽ A23a ദിവസം 15 ഡിഗ്രിയോളം കറങ്ങി, ഇത് ശാസ്ത്രജ്ഞർക്ക് പുതിയ പഠന സാധ്യതകൾ തുറന്നു കൊടുത്തു.

ഇപ്പോൾ അന്റാർട്ടിക്ക് സർകമ്പോളർ കറന്റുമായി ചലിക്കുന്ന A23a, ചൂടുള്ള വെള്ളത്തിലേക്ക് കടക്കുമ്പോൾ അതിന്റെ ഉരുകലിന് തുടക്കമാകും. 1,418 ചതുരശ്ര മൈൽ വിസ്തൃതിയുള്ള ഈ ഐസ്ബർഗ്, മാർഗമധ്യേ  ചരക്കുകപ്പൽ പാതകൾക്ക് വെല്ലുവിളികൾ സൃഷ്ടിക്കാൻ സാധ്യതയുണ്ട്.

ഈ സഞ്ചാരം ശാസ്ത്രലോകത്തിന് പല ദിശകളിലെയും പഠന സാധ്യതകൾ ഒരുക്കുന്നു. സമുദ്രജീവിതത്തിന് A23a-യുടെ സ്വാധീനവും, കാലാവസ്ഥാ മാറ്റത്തിന്റെ അടയാളങ്ങളും ഈ യാത്ര തുറന്നു കാട്ടുന്നു. “ഐസ്ബർഗ് ആലി” എന്നറിയപ്പെടുന്ന പാതയിലൂടെ A23a അന്തിമമായി സൗത്ത് അറ്റ്ലാന്റിക്കിലേക്ക് നീങ്ങുമെന്ന പ്രവചനം ഉണ്ട്.

ശാസ്ത്രജ്ഞർ ഈ ഐസ്ബർഗിന്റെ ഓരോ ചലനവും ശ്രദ്ധയോടെ നിരീക്ഷിക്കുകയാണ്, കാരണം ഇത്  ധ്രുവപ്രദേശങ്ങളുടെ ചലനാത്മക സ്വഭാവത്തിന്റെ മുഖ്യ ഉദാഹരണമാണ്.