നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ) രാജ്യത്തുടനീളം ടോൾ നികുതിയിൽ ശരാശരി അഞ്ച് ശതമാനം വർധിപ്പിച്ചു. പുതിയ  ഫീസ് 2024 ജൂൺ 3 മുതൽ പ്രാബല്യത്തിൽ വന്നു. ഇന്ത്യയുടെ വിപുലമായ ദേശീയ പാത ശൃംഖലയിൽ തൊള്ളായിരത്തിലധികം ടോൾ പ്ലാസകളുണ്ട്.

 2024 ഏപ്രിൽ 1 നാണ് ഈ വർദ്ധനവ് ആദ്യം ആസൂത്രണം ചെയ്തിരുന്നത്, എന്നാൽ ലോക്സഭാ തിരഞ്ഞെടുപ്പ് കാരണം മാറ്റിവച്ചു. നാണയപ്പെരുപ്പവും ഹൈവേകളുടെ പരിപാലനച്ചെലവും കണക്കിലെടുത്താണ് ഈ വർധന.  നിർദ്ദിഷ്ട ടോൾ പ്ലാസയെയും വാഹന തരത്തെയും ആശ്രയിച്ച് ടോൾ വർദ്ധനവ് വ്യത്യാസപ്പെടും.