ഇന്ത്യൻ റെയിൽവേ 23,000 കിലോമീറ്ററിലേറെ പാതകൾ 130 കിലോമീറ്റർ വേഗതയിലേക്കും, 54,000 കിലോമീറ്ററിലേറെ പാതകൾ 110 കിലോമീറ്റർ വേഗതയിലേക്കും ഉയർത്തി നവീകരണം പൂർത്തിയാക്കിയതായി ഔദ്യോഗികമായി അറിയിച്ചു. വിവിധ പ്രദേശങ്ങളിലേക്കുള്ള  യാത്ര സൗകര്യങ്ങൾ മെച്ചപ്പെടുത്തുന്നതിനും റെയിൽവേയുടെ ആകെ പ്രവർത്തനക്ഷമത വർധിപ്പിക്കുന്നതിനുമുള്ള ഈ സംരംഭം വലിയ പ്രാധാന്യമുള്ളതാണെന്ന് റെയിൽവേ മന്ത്രാലയം പ്രസ്താവിച്ചു.

ആധുനികവൽക്കരണത്തിന്റെ ഭാഗമായി ഉയർന്ന വേഗതയ്ക്ക് വേണ്ടി പാതകളുടെ നവീകരണം, കൃത്യമായ ആശയവിനിമയത്തിനായി ആധുനിക സിഗ്നലിംഗ് സംവിധാനങ്ങൾ സ്ഥാപിക്കൽ, അപകടസാധ്യതയുള്ള സ്ഥലങ്ങളിൽ സുരക്ഷ ഉറപ്പാക്കാൻ വേലികൾ സ്ഥാപിക്കൽ തുടങ്ങിയ നടപടികളും റെയിൽവേ പൂർത്തിയാക്കി.

ഇതിനു പുറമേ, നിലവിലെ സാമ്പത്തിക വർഷത്തിലെ ഏപ്രിൽ മുതൽ ഡിസംബർ വരെയുള്ള കാലയളവിൽ റെയിൽവേയുടെ വരുമാനത്തിൽ 4% വർധനവുണ്ടായതായി മന്ത്രാലയം അറിയിച്ചു.