തിരുവനന്തപുരം: 2026-ലെ കേരള നിയമസഭാ തിരഞ്ഞെടുപ്പിനെ മുന്നിൽക്കണ്ട് രാജീവ് ചന്ദ്രശേഖർ നടത്തിയ പ്രസ്താവന രാഷ്ട്രീയ രംഗത്ത് ശ്രദ്ധനേടുന്നു. വരാനിരിക്കുന്ന തിരഞ്ഞെടുപ്പിൽ പ്രതിപക്ഷ മുന്നണിയായ യുഡിഎഫ് 60 സീറ്റുകൾ പോലും കടക്കില്ലെന്ന പ്രവചനമാണ് ബിജെപി സംസ്ഥാന അധ്യക്ഷൻ മുന്നോട്ട് വെച്ചത്.

ബിജെപിയുടെ ആഭ്യന്തര സർവേകൾ പ്രകാരം യുഡിഎഫിന് പരമാവധി 42 മുതൽ 45 സീറ്റുകൾ വരെ മാത്രമേ നേടാനാകൂവെന്നാണ് അദ്ദേഹം അവകാശപ്പെട്ടത്. യുഡിഎഫ് നേടുന്ന സീറ്റുകളിൽ ഭൂരിഭാഗവും മുസ്ലിം ലീഗിനാണ് ലഭിക്കുക എന്നും അദ്ദേഹം കൂട്ടിച്ചേർത്തു. യുഡിഎഫ് നേടുമെന്ന് കരുതുന്ന ഈ 42-45 സീറ്റുകളിൽ 21 സീറ്റുകൾ മുസ്ലിം ലീഗിന് ലഭിക്കുമെന്നുമാണ് അദ്ദേഹത്തിന്റെ വിലയിരുത്തൽ.

അതേസമയം, തിരഞ്ഞെടുപ്പിൽ ബിജെപിക്ക് പ്രതീക്ഷിച്ച വിജയം ലഭിക്കാത്ത പക്ഷം അതിന്റെ പൂർണ്ണ ഉത്തരവാദിത്തം താൻ ഏറ്റെടുക്കുമെന്നും രാജീവ് ചന്ദ്രശേഖർ വ്യക്തമാക്കിയിട്ടുണ്ട്.

നിലവിൽ നേമം അസംബ്ലി മണ്ഡലത്തിലാണ് അദ്ദേഹം ജനവിധി തേടുന്നത്.