എൽ എക്വിപ്പേ-യുടെ ഒരു റിപ്പോർട്ട് പ്രകാരം മൂക്കിന് പരിക്കേറ്റതിനെ തുടർന്ന് മാസ്ക് ധരിക്കാൻ നിർബന്ധിതരായ എംബാപ്പെയുടെ പുതിയ വർണ്ണശബളമായമാസ്ക്കിന് യുവേഫ അനുമതി നൽകിയില്ല.
ഇതോടെ മത്സരങ്ങൾക്കിടയിൽ കൈലിയൻ എംബാപ്പെ തൻ്റെ കസ്റ്റമൈസ്ഡ് മാസ്ക് ധരിക്കുന്നത് കാണുമെന്ന് പ്രതീക്ഷിക്കുന്ന ഫ്രഞ്ച് ഫുട്ബോൾ ആരാധകർ നിരാശരാകും.
യുവേഫയുടെ കിറ്റ് നിയമങ്ങൾ അനുസരിച്ച് മൈതാനത്ത് ധരിക്കുന്ന ഏത് മാസ്‌കും ഒറ്റ നിറത്തിലായിരിക്കണമെന്ന് വ്യവസ്ഥ ചെയ്യുന്നു. ഫ്രഞ്ച് ദേശീയ ടീം അധിക നിറങ്ങൾ അദ്ദേഹത്തിൻ്റെ മാസ്‌കിൽ ഉൾപ്പെടുത്തിയിട്ടുണ്ട്,ഇത് നിയമ പ്രശനങ്ങൾ സൃഷ്ടിച്ചു.
അടുത്തിടെ ഓസ്ട്രിയയ്‌ക്കെതിരായ മത്സരത്തിൽ എംബാപ്പെയുടെ മൂക്കിന് പൊട്ടലുണ്ടായതിനാൽ സംരക്ഷണ മാസ്ക് ആവശ്യമായി വന്നു. കളിക്കളത്തിൽ അദ്ദേഹത്തിൻ്റെ അഭാവം ഫ്രാൻസിന് കാര്യമായ നഷ്ടമായിരിക്കും.
ഈ സാഹചര്യം എംബാപ്പെയ്ക്കും ഫ്രഞ്ച് ടീമിനും വെല്ലുവിളിയാണ്. യുവേഫയുടെ നിയന്ത്രണങ്ങൾ പാലിക്കുന്ന ഒരു പരിഹാരം കണ്ടെത്തുന്നത് നിർണായകമാകും. ഒരു ഒത്തുതീർപ്പിലെത്താൻ കഴിയുമോ അതോ എംബാപ്പെ തൻ്റെ ഇഷ്ടപ്പെട്ട മുഖംമൂടി ഇല്ലാതെ കളത്തിലിറങ്ങാൻ നിർബന്ധിതനാകുമോ എന്നത് കണ്ടറിയണം
