ശ്രദ്ധേയമായ ഒരു പുരാവസ്തു കണ്ടെത്തലിൽ, അത്യാധുനിക ഗ്രൗണ്ട് പെനട്രേറ്റിംഗ് റഡാർ (ജിപിആർ) സാങ്കേതികവിദ്യ ഉപയോഗിച്ച് ഗിസ കോംപ്ലക്സിലെ ഖഫ്രെ പിരമിഡിന് താഴെ ഒരു വലിയ ഭൂഗർഭ ഘടന ശാസ്ത്രജ്ഞർ കണ്ടെത്തി. ഭൂമിയിലെ ഏറ്റവും ഉയരം കൂടിയ കെട്ടിടത്തിൻ്റെ ഇരട്ടിയിലധികം ഉയരമുള്ളതാണ് ഈ പുതുതായി മാപ്പ് ചെയ്ത ഘടന.

ഏകദേശം 648 മീറ്റർ ആഴത്തിൽ സ്ഥിതി ചെയ്യുന്ന ഈ ഭൂഗർഭ ഘടനയിൽ അഞ്ച് പരസ്പര ബന്ധിത ഘടനകളും എട്ട്  കിണറുകളും ഉണ്ട്, ഇത്  ഊർജ്ജ,ജല പരിപാലനവുമായി ബന്ധപ്പെട്ട ആവശ്യത്തിന് പ്രാചീനകാലത്ത് നിർമ്മിച്ചത് എന്ന് കരുതപ്പെടുന്നു.മുൻകാലങ്ങളിൽ പരിമിതമായ പര്യവേക്ഷണം നടത്തിയ പടിഞ്ഞാറൻ സെമിത്തേരി പ്രദേശത്താണ് കണ്ടെത്തൽ.

ഈജിപ്തിലെ നാഷണൽ റിസർച്ച് ഇൻസ്റ്റിറ്റ്യൂട്ട് ഓഫ് അസ്ട്രോണമി ആൻഡ് ജിയോഫിസിക്സും വിവിധ ജാപ്പനീസ് സർവകലാശാലകളും തമ്മിലുള്ള സഹകരണത്തിൻ്റെ ഫലമാണ് ഈ സുപ്രധാന കണ്ടെത്തൽ.  പുരാതന ഈജിപ്ഷ്യൻ നാഗരികതയെയും വാസ്തുവിദ്യാ ചാതുര്യത്തെയും മനസ്സിലാക്കുന്നതിൽ ഈ കണ്ടെത്തലിൻ്റെ പ്രാധാന്യം എടുത്തുകാണിച്ചുകൊണ്ട് ആർക്കിയോളജിക്കൽ പ്രോസ്പെക്‌ഷൻ ജേണലിൽ ഫലങ്ങൾ പ്രസിദ്ധീകരിച്ചു.

ഗവേഷകർ കൂടുതൽ ഖനനങ്ങൾ ആസൂത്രണം ചെയ്യുമ്പോൾ, ഈ തകർപ്പൻ കണ്ടെത്തൽ ഗിസ പിരമിഡ് സമുച്ചയത്തിൻ്റെ നിഗൂഢതകളെക്കുറിച്ചും അതിൻ്റെ ചരിത്രപരമായ പ്രാധാന്യത്തെക്കുറിച്ചും പുതിയ ഉൾക്കാഴ്ചകൾ നൽകുമെന്ന് പ്രതീക്ഷിക്കുന്നു