ടി20 ലോകകപ്പ് വിജയത്തിന് ശേഷം ഇന്ത്യൻ ക്രിക്കറ്റ് ടീമുമായി നടത്തിയ പ്രത്യേക കൂടിക്കാഴ്ചയിൽ പ്രധാനമന്ത്രി നരേന്ദ്ര മോദി വിരാട് കോഹ്‌ലിയുമായി സംഭാഷണം നടത്തി.
ടൂർണമെൻ്റിൽ ഉടനീളം അഞ്ച് ഒറ്റ അക്ക സ്‌കോറുകൾ നേടിയ തനിക്ക് ഫൈനലിന് മുമ്പ് ആത്മവിശ്വാസമില്ലായിരുന്നുവെന്ന് വിരാട് കോഹ്ലി പ്രധാനമന്ത്രി മോദിയോട് പറഞ്ഞു.
“ടൂർണമെൻ്റിലുടനീളം, ഞാൻ ആഗ്രഹിച്ച സംഭാവനകൾ നൽകാൻ എനിക്ക് കഴിഞ്ഞില്ല. ഒരിക്കൽ ഞാൻ രാഹുൽ ഭായിയോട് പറഞ്ഞു, ‘ഇതുവരെ ഞാൻ എന്നോടും ടീമിനോടും നീതി പുലർത്തിയിട്ടില്ല’ കോഹ്ലി പറഞ്ഞു
എന്നിരുന്നാലും, കോഹ്ലി സാഹചര്യത്തിന് അനുസരസരിച്ച് ഉയർന്നു, 76 റൺസെടുത്തു ഇന്ത്യയെ വിജയത്തിലേക്ക് നയിച്ചു.ഒരു ദശാബ്ദത്തിന് ശേഷം ഇന്ത്യയ്ക്ക് ആദ്യത്തെ ഐസിസി കിരീടം നേടാൻ സഹായിച്ചു.
അവസരത്തിനൊത്ത് ഉയരാനുള്ള കോഹ്‌ലിയുടെ കഴിവിനെ പ്രധാനമന്ത്രി മോദി അഭിനന്ദിച്ചു
ഇന്ത്യയുടെ സുപ്രധാന നേട്ടത്തെയും കോഹ്‌ലിയുടെ പ്രചോദനാത്മകമായ തിരിച്ചുവരവിനെയും അടയാളപ്പെടുത്തുന്ന ഒരു ആഘോഷ വേളയായിരുന്നു പ്രധാനമന്ത്രി മോദിയുമായുള്ള ഇന്ത്യൻ ടീമിൻ്റെ കൂടിക്കാഴ്ച.
